Jul 29 2010

ياما وانت الوحيد من البوم عمرو دياب الجديد اصلها بتفرق- هاي كواليتي

 

 

 

 

01.Enta El Wahed
02.Yama


hotfile
http://imzdb.com/10686792
shareflare
http://imzdb.com/10686793
fileserve
http://imzdb.com/10686794
megashares
http://imzdb.com/10686775
gettyfile
http://imzdb.com/10686776
ifile.it
http://imzdb.com/10686777
rapidshare
http://imzdb.com/10686778
2shared
http://imzdb.com/10686779
badongo
http://imzdb.com/10686780
filefactory
http://imzdb.com/10686781
fileflyer
http://imzdb.com/10686782
filesend
http://imzdb.com/10686783
mediafire
http://imzdb.com/10686784
megaupload
http://imzdb.com/10686785
multiupload
http://imzdb.com/10686786
sendspace
http://imzdb.com/10686787
slingfile
http://imzdb.com/10686788
x7
http://imzdb.com/10686789

Thanks AmrDiabCafe

 

Tags: , , , , , ,

Jul 27 2010

بث مباشر لأولى جلسات قضية خالد سعيد من داخل المحكمة - نقلا عن اليوم السابع

Category: مصرAmr @ 07:57

Tags:

Jul 27 2010

بس ايه بقى أحلى صيـــــــنية بطاطس بالفراخ

 

المقاديــــــــر:-
ديه بقى مش فرخة هما جناجين وورك كانوا فاضلين عندى

قطعتهم
معلقة خل حبهان مطحون فلفل اسود ملح فلفلة خضراء فص ثوم بصلة مبشورة

معلقة بابريكا نص معلقة كمون معلقة بهارات
بطاطس تقطع شرائح مدورة
معلقة صلصة كوب ماء مكعب مرقة ماجى


الطريقــــــــــــــة:-

دقى الثوم مع الفلفل وابشرى البصلة وادعكيهم مع بعض والبهارات والملح والفلفل ثم ادعكى بيهم البطاطس والفراخ

هاتى باريكس او صينية عادية رصى قطع البطاطس ثم حطى الفراخ على الوش

دوبى معلقة الصلصة مع مكعب المرقة وحطيهم

ثم غطيها بفويل ودخليها الفرن ولما تستوى شيلى الفويل وسيبها 10 دقائق تتحمر من فوق

وقدمتها مع ارز بالشعرية وسلطة خضراء ومخلل بيتى أنا اللى عملاه

 

Tags: , , , , ,

Jul 24 2010

الف نيلة ونيلة - الحلقة الرابعة

الحلقة الرابعة
_____________________


بلغني ايها الملك الجميل ذو العمر الطويل
ان الملك خازوق
ملك مصروق
استيقظ من نومه مخنوق
يسب ويلعن من حوله ودمه يتفجر في العروق


- انا عايز في خلال 5 دقايق كل البهايم اللي شغالة عندي تتسمر ادامي حالااااااااااااااااااا
• تمتلأ غرفة الملك بكل المسئولين والوزراء في سرعة لم يحققها اكثر الجان سرعة ومهارة

- ايه؟ عجزتو؟اشوف غيركوا؟ لا حرس قديم ناافع ولا حرس جديد ولا حتي حرس الحدود
بقي حتة عيل لسه ماكملش ال 76 سنة هايتسيط علي اخر الزمن ععلي قفانا؟؟ وياخد الجمل بماا حمل ده لما يعض نضارته

اللواء حبيب بابا : فيه ايه بس جلالتك؟

- اخرس انت باالذات .. وكمان مش عارف فيه ايه؟ بس مصروق الامن والاماان وصورك في كل مكان ونفديك في اي زمان فالح بس تعلق لي صوري وتكتب مصروق خازوق و وعدت فاخلفت بعد د/ أيسر ضوء ماهانطفيه ماحدش هايجرؤ يقف ادام جلالتك مش ده كلامك يا خويا ولا كلام جدة ابني الامير خابور؟؟؟
- يا فندم...
- ااسكت ... اسكت ده انا بدأت احس بشيخوخة مبكرة منكم لله ده انا لسه ماكملتش ال 120 سنة هاتموتوني ف عز شبابي وتضيعوا الممكلة من بعدي
- يا فندم الناس بتطالب بالتغيير و عاايزة تغير جلالتك
- ايه؟ تغيرني انا؟
- لا عظمتك العفو انا بقول الناس عايزة تغير .... جلالتك
- اه بحسب طيب مانا عارف دي حاجة مش جديدة الناس عايزة تغير من 20 سنة واكتر المهم ايه الحل دلوقت يا سابق عصرك؟

برنس غالي جدا : اممم نعمل كباين علشان الناس تغير فيهاا.... و ممكن ناخد ضرايب بدل تغيير ونقفل المديونيات بقي

- انت كدة بتشجع علي التغيير يا عبقري جيلك اعمل فيك ايه؟

المحامي منفضة مكسور : لو برنس غالي زعلك ارفع عليه قضية جلالتك وأحبسه من بكرة وملفاته عندي
اولا متهرب من الضرايب ولابس نضارة قعر كباية والازاز غالي ده غير اني هااعمله قضية تبديد لبااقي الكباية ده غير موضوع الكبااين يا فندم ده لوحده كارثة هاعمله قضية اداب عشان بيشجع الناس علي الفجور والعري بس .. اؤمرني جلالتك

-اممم اعملهم ااحتياطي وما تتقدمش بحاجة الا لما اقولك....... بس برضه ماحدش قاللي حل

• وتتوالي الاقتراحات وردود الملك

- نقتله
- مش هارد عليك

- نتهمه بتدبير عمليه ارهاابيه والخليه جااهزة في المعتقل يا فندم
- اخرس

- نقول الدكتوراه بتاعته مضروبة ومشكوك فيها
- عملناها قبل كدة

هنا ينبري المشمهندس احسن وز ويدفع منتصف نظارته الصغيرة بسبابته قبل ان ينطق في مكر شديد

: نتهمه بانه عايز يدخل الطاقة النووية مصر وامريكا بعتاه للسبب ده ععلشان تتحجج لضرب مصروق اللي حميتها حكمة جلالتك وعظمتك علي مدي ال 45 سنة اللي فاتت

- ااممم طيب ما النااس هاتقول اننا غنيناا علي الموضوع ده واخدنا منطقة الفهدة عشان نعملها مفاعل نووي
- يا فندم ماحنا هانقول لما اكتشفنا المؤامرة حاولنا نبيع الارض لرجال الاعمال عشان يعملوها منتجعات سياحية وبعرضناها باابخس الاسعاار علشان نلحق نجهض المؤامرة وكل ده بتواريخ قديمة سيادتك وموجوده في كل جرايد المعارضة

تلمع عينا خازوق ف سعادة بالغة قبل ان يربت علي كتف وز برضا بالغ تبعته نظرة رضا من وز نظرة القط لصاحبه بعد تناوله وجبة سمك من يده

- الملك خاازوق : الو ... اطلبوا لي ااسامة مرايا رئيس تحرير جرنال الاورام حالا
- الو ايوة معااليك يارب يكون جلالتك بخير .... اؤمر جلالتك
- عايزك بكرة توقف المقال اليومي االلي بتكتبه عني من 15 سنة واجل المقال اال 5476 شوية
- ليه ياا فندم ؟ فيه كلمه زعلت جلالتك؟ده اناا بكتب اللي ف قلبي والله وربنا يشهد
- لا ابدا اللي بتكتبه معقول بس خلي بالك الواد محتااس الفار بتاع الاحــبار كتب عني احسن منك المرة دي
ده قاللي لمن غيرك نشكو ياا سلام جملة جامدة اوي لمن غيرك نشكو بس ماقالش لمن غير عظمتك نشكو يالا هافوتهاله عشان عجبتني وبعدين ده متقدم ععليك ب 17 مقال لحد دلوقت
- اازاي يا فندم احنا بدأنا مع بعض
- مااهو نزل 16 النهاردة بس

يتملك الصمت من مرايا بعد ان تلون وجهه وجسده بلون فانلة النادي الخاازوقي (الاهلي سابفا) قبل ان يقطع الصمت ب

- ح ح حااضر ياا فندم هاتشوف بكرة اللي يرجع رضاك عني بكرة ان شاء الله عدد 6 ابريل شوف ها تكلم عن جلالتك ازاي

- بتقول 6 ايه؟
- ابريل يا فندم ... 6 ابريل ... ......... الو ... جلالة الملك .. جلالة الملك


وبعد ان سمع الملك جملة 6 ابريل .. ذهب في اغماء طويل . وعندئذٍ

** يقطع كلام شهرزاد رنين المحمول بنغمة مابلاش نتكلم ف الماضي .. الماضي ده كان كله جراح للفنان الراحل عمرو دياب قبل ان تقول


مولاااااااااااااااااااااي


يتبع لو لسه ما تقبضش عليا

Tags: , ,

Jul 23 2010

مكرونة بالتونة بالبشاميل

 

مكرونة بالتونة بالبشاميل

المقادير:-
كيس مكرونة قلم
علبة تونة
واحدة فلفلة خضراء مقطعة مكعبات
فص ثوم
1 طماطم مكعبات صغيرة
معلقة صلصة
نصف مكعب ماجى
فلفل اسود- بهارات-شطة

مقادير البشاميل:
3م كبيرة دقيق
3 م كبيرة زيت أوسمنة
2 كوب لبن
نصف مكعب ماجى
بيضة

الطريقة:-
1-تسلق المكرونة فى ماء مملح وتغسل بماء بارد وتصفى

2- عمل البشاميل

توضع حلة على النار بما الزيت والدقيق وتقلب لحد ماتصفر ثم يضاف اللبن الساخن تدريجيا

ويقلب بالمضرب السلك حتى يغلى ويتقل بس مش اوى بيبقى خفيف شوية وتضاف نصف مكعب الماجى والملح والفلفل


 3-فى طاسة على النار نضع مكعبات الفلفل الاخضر وم زيت ثم الثوم

ونقلب ثم تضاف الطماطم المكعبات وم الصلصة  والملح والفلفل والشطة

والبهارات نصف مكعب مرقة ماجى  و1\4كوب ماء وتقلب لعدة دقائق
ثم تضاف التونة وتقلب دقيقة ووترفع من على النار


4-فى حلة كبيرةتوضع المكرونة وعليها نصف البشاميل وتقلب وحشوة التونة وتقلب
ثم فى صينية توضع معلقتين بشاميل ثم خليط المكرونة بالبشاميل بالتونة

5-وباقى البشاميل يضاف إليه بيضة ويقلب ثم يوضع على الوجه بحيث يغطى وجه الصينية بالكامل
ويرش 2 معلقة بقسماط على الوجه وتدخل فرن متوسط لمدة تلت ساعة
ثم توضع تحت الشواية يحمر الوجه


Tags: , , , ,