Oct 28 2010

كشرى

اولا هنعمل الدقه عشان تاخد وقتها
فصين ثوم مفرومة
ملعقه  كمون
ملح
2 ملعقه كبيرة خل
كوب ماء

نضيف الثوم والكمون معا نضيف الملح ونقلب ثم نضيف ملعقتى الخل
ونضيف الماء ونتاكد من الملح
ونعبيه في زجاجه ونرجها ونتركها لغاية مانخلص الكشرى بجد طعمها زى بره بالضبط
طبعا اللى عايزاها مشطشه يضيف معلقة شطة

ثم نعمل البصل المحمر

بصلتين مقطعين شرايح ونضيف عليهم معلقة كبيرة ملح ونتركهم 10 دقايق

ثم نغسلهم من الملح ونصفيهم ونحمرهم

ناخد معلقتين زيت ونحمر الشعرية ونتركها على جنب

ممكن نسلق العدس لوحده ونعمل الرز لوحده

بس الاحلى اننا نعملهم مع بعض عشان الارز ياخد من طعم العدس

فى حله نضع معلقتين زيت من بتاع تحمير البصل

ونغسل العدس ونضيفه ونقلب تقلبيتين

ثم نضيف الميه ونتركه يغلى ثم نخفض النار لمدة 30 دقيقة يستوى نصف سوى

ولما يستوى هانلاقيه شرب الميه بتاعته

نزود ميه على اد الرز يعنى لو 2 كوب ارز يبقى 2 كوب ماء+المية بتاعت الشعرية يعنى لو ضفنا كوب شعرية تبقى كوب مية زيادة

ونضيف الرز المغسول والشعرية المحمرة ونقلب ونضيف ملح

ونتركهم يغلو ثن نهدى النار لمدة نصف ساعة لغاية مالرز والعدس يستوا

الصلصه
ملعقتين زيت
4 فصوص ثوم مفرومة
5 وحدات طماطم مضروبة بالخلاط
2 ملعقه صلصة طماطم
نصف كوب خل
ملعقه كمون
ملح
الطريقه
نضع الزيت في حلة ثم نضيف الثوم ونقلب وبعدين الخل واغطيهم واتركهم يغلوا مع بعض
ثم نضيف الطماطم والصلصة ونتركها تغلي ونضيف الكمون
ونتركها تتقل شويه
 المكرونة
بتكون منها نوعين اسباجتى ومقصوصة صغيرة بتسلقيها عادى
نصفيها من الماء ونضيف عليها معلقتين زيت

فى طبق التقديم بتغرفى رز بالعدس وبعدين تحطى عليه المكرونة ثم الصلصة وبعدين البصل المحمر واوقات بعمله بالحمص بنقعه بالمية وبعدين اسلقه واحطه مع على الوجه وبالف هنا

 

 


 

Tags: , ,

Oct 27 2010

شوربة المشروم بالكريمة

المقادير:

========
معلقتين زبدة
بصلة مفرومة
معلقتين كرفس مقطع
معلقتين كرات مقطع
200 جم مشروم طازجة شرائح
3معلقة كبيرة دقيق
2كوب لبن
3كوب شوربة
ملح
فلفل اسود


الطريقة

==========

حلة على النار على نار متوسطة نسيح الزبدة ثم نضع البصلة والكرات والكرفس

وممكن جزرة صغيرة مقطعة مكعبات صغيرة
ونحط 3\4المشروم الطازجة
ونقلب لمدة خمس دقايق
ثم نضع الدقيق ونقلب كويس حتى يدوب الدقيق مع الزبدة
ثم نضيف اللبن وملح وفلفل وتترك على النار لمدة 25 دقيقة ثم تضرب فى الخلاط
والربع الباقى من المشروم نشوحه فى معلقة زبدة

ثم يضاف على الخليط بعد هرسه فى الخلاطووضعه على النار يغلى
ثم تقدم مع الخبز المحمص او الطازجة

Tags: , ,

Oct 27 2010

الأنيوكى الايطالى بصوص السجق والمشروم

Category: كتبAgamy @ 00:24
سيتم اعادة كتابة الموضوع مرة اخرى

Tags:

Oct 26 2010

الأنيوكى الايطالى بصوص السجق والمشروم

اولا : العجينة

المقادير


4حبة بطاطس متوسطة الحجم مسلوقه و مهروسه
نخلطها بببضه و ملح و فلفل و كوب كبير دقيق
و نعجنها حتي تكون عجينه متماسكه
و نعملها كور و نفرد كل كره علي شكل حبل
و نقطعه بسكينه قطع صغيره
نضع حلة على النار بها ماء مملح لسلقها
هانضيف القطع لما المية تغلى
اولا هتنزل في القاع
و بعد دقيقتين هتطفو علي السطح
و لما تطفو نشيلها في مصفاه
وبعدين نحطها فى طبق كبير ونحط عليها معلقة زيت ونقلبها

(ممكن نحط على كل جزء من العجينة بيوريه السبانخ وواحدة بيوريه بنجر وممكن الوان
وكمان ممكن تدمجى كذا لون مع بعض)


بالنسبة للصوص


تشوح بصلة مفرومة ونشيل القشر بتاع السجق ونقطعها مكعبات صغير ونهرسها بالشوكة يبقى عامل زى اللحمة المفرومة او ممكن نضيف لحمة مفرومة للى يحب
ولما لونها يتغير نحط عليها كوب ماء ويغطى ويترك ليستوى
ثم نضيف كوب فلفل اخضر مقطع وممكن فلفل حار للى يحب
ثم نضيف نصف علبة مشروم بعد غسله بالماء
ونقلب دقيقتين ثم نضيف نصف علبة كريمة لبانى وتقلب دقيقة ثم تضاف النيوكى عليها وتترك 4 دقائق تتشرب منها
وتقدم

Tags: , ,

Oct 26 2010

فراخ بالكارى


المقادير
===========

3 ملاعق زيت
فص ثوم
فلفل حار للى عايز
صدر دجاج كبير مكعبات
1\2معلقة كمون
1\2 معلقة كركم
معلقة كارى
1\2 معلقة ملح
2 معلقة صلصة
معلقة كزبرة ناشفة
بصلة
كوب فلفل اخضر رومى
معلقة بقدونس او كزبرة خضراء مفرومة

الطريقة :
============

تقطع البصلة او تبشر ويفرم الثوم ويقطع الفلفل الحار
ويقطع الفلفل الرومى الاخضر مكعبات
وتقطع الفراخ مكعبات

على النار نضع طاسة ثم الزيت يسخن ثم البصلة ونقلب لمدة دقيقة
ثم الفراخ ونقلب من 4 دقائق

ثم نضع الفلفل الحار والثوم ونقلب لمدة 3 دقايق

ثم نضع البهارات ملح وكركم والكارى والكمون وكزبرة ناشفة ثم نضع الصلصة(من الممكن إضافة معلقتين كريمة)

ونقلب ثم كوب ماء يضاف وتقلب ويترك يستوى على نار هادئة لمدة 20 دقيقة

ثم يضاف كوب الفلفل الاخضر الرومى المكعبات(يضاف فى الاخر عشان يبقى مقرمش وطعمه باين) وتقلب دقايق
ويضاف معلقة بقدونس او كزبرة خضراء

ثم تقدم مع ارز ابيض

Tags: , , , ,