Nov 9 2010

الكبسة باللحمة

 

المقادير  :


نصف كيلو لحمة
2كوب كبير ارز بسمتى ينقع لمدة نصف ساعة
بصلة مفرومة
فصين ثوم مفرومين
قرن فلفل اخضر حار
ملح وفلف اسود
وبهارات مطحونه و وكمون
 بهارات صحيحه ( قرفه وقرنفل وهيل وورق غار وفلفل اسود ومستكة وليمون ناشف )
بهارات الكبسة مطحونة
معلقة كركم
3 طماطم متوسطة الحجم ومعلقتين صلصة
الطريقة
يسلق اللحم  بماء وملح وفلفل اسود وعود قرفه  و2حبات هيل
فى حلة على النار نضع معلقتين زيت ثم نشوح البصلة وفص الثوم مع بعض حتى يدبلو
ثم نضيف اللحم المسلوق
ونقلب شوية ثم نضيف بهارات صحيحه من 2 عود قرفه و5 حبات هيل وقرنفل
وورق الغار وحبتين ليمون ناشف فلفل اسود
ورشه ملح وفلفل اسود مطحون وبهارات الكبسه مطحونه والكركم
ونقلب دقيقةنضيف الفلفل الحار ثم نضيف الطماطم بعد تقشيرها وتقطعيها مكعبات صغيرة
ومعلقتين الصلصة ونقلب دقايق
ثم نضيف الرز المنقوع ونقلب
ثم نضيف من شوربة اللحمة نزيد الميه يعنى ترتفع عن الارز بمقدار عقلة الصباع
ونتركها تغلى على نار عالية ثم نهدى عليها النار ونتركها تستوى
وتزين بالمكسرات المحمرة فى معلقتين زيت

Tags: , ,

Nov 8 2010

فيتوتشينى بصوص الفريدو

فيتوتشينى بصوص الفريدو

كيس مكرونة فيتوتشينى
فص ثوم مفروم
2معلقة زبدة
200مللى كريمة طهى
2معلقة كبيرة جبنة مبشورة
200جم مشروم شرايح
ملح
فلفل اسود
2 معلقة بقدونس مفرووم

تسلق المكرونة حسب التعليمات على العبوة
تصفى وتغسل ونضيف عليها معلقتين زيت
فى حلة على النار ندوب معلقتين الزبدة ثم فص الثوم المفروم ثم الكريمة وملح وفلفل اسود ونقلب لمدة 4 دقايق
ثم نضيف الجبنة المبشورة تغلى وتتخن
ثم تضاف على المكرونة ونضيف البقدونس ونقلب وتقدم


ملاحظة لهلوبة:
بدل الكريمة ممكن ندوب معلقتين دقيق مع كوبين لبن ونضيفله جبنة مبشورة

Tags: , ,

Nov 8 2010

بيكاتا فراخ بصوص المشروم

4 قطع فيليه فراخ
معلقة كبيرة زيت +2معلقة زبدة
200 جم مشروم شرائح
فص ثوم
زعتر
بصلة مفرومة
معلقة مسطرة
معلقة صويا صوص
200مللى كريمة طهى

نتبل الفراخ بالملح والفلفل الاسود
فى طاسة نسخن الزبدة والزيت  ثم نضع الفيليه تحمر ثم نقلبها على الوجه التانى تحمر ثم ننشلها من الطاسة
نضع فى نفس الطاسة البصلة وفص الثوم المفرومين ونقلب دقيقتين ومشروم ورشة زعتر والكريمة ونقلب دقيقة والمسطردة وملح وفلفل اسود ثم نرجع قطع الفيليه فى الطاسة تانى
ونهدى النار وتترك ربع ساعة تستوى مع الصوص
تقدم مع الارز او المكرونة

ملاحظة من لهلوبة:
لو مفيش كريمة ندوب 3 ملاعق دقيق فى كوب ماء ونزود كمان كوب لبن

Tags: , , , ,

Nov 4 2010

تارت بالجبنة

 

المقادير:

==============

كوب دقيق
1/2 كوب زبده جامده مقطعه مكعبات
من معلقتين ميه :ربع كوب مية ساقعة
ذره ملح-ملعقه زعتر

الحشو
نصف كوب من كل (جبنه رومي مبشوره-جبنة شيدر-جبنة موتزريلاا)
زيتون مقطع
فلفل رومى حلقات
2 بيضه-فلفل اسود-1 كوب لبن

الطريقة:

=========
1 نضع الدقيق والزبدة في الميكسر مع بعض لحد ما يبقوا مرملة
نضع الملح والزعتر
2 والعجانة شغالة نضع الماء البارد لحد ما تتماسك عجينة
3  نفردها في قالب تارت مدهون أو في صينيه قصيرة الحافه نفردها ونرفعها من عالاطراف حتى تستوعب في النص الحشو
4 نبدا بوضع الحشو الجبنات والفلفل والزيتون
5 نضرب اللبن والبيض والفلفل الاسود ونضعه عليه
6 نضع رشة جبنة على الوجة
7 يدخل فرن ساخن 180درجة لثم نهدى النار على 160لمدة 10 دقايق
وبعدين نحمر الوش تحت الشواية


 

Tags: , , ,

Nov 1 2010

البيتزاااااااااااااا

 

المقادير
نصف كيلو دقيق
كيس خميرة جافة
رشة زعتر
1م ك سكر
1م ص ملح
2م ك زيت زيتون

4ملاعق لبن بودرة
ماء دافىء للعجن

الطريقة:
1 نخلط كل المكونات الجافه مع بعض
2 نبدا بوضع الماء تدريجيا ونعجن لحد ما العجينه تتماسك وتترك اليد
3 ندهنها زيت وندهن الطبق زيت اللى هانحطها فيها ونغطيها ونتركها تخمر ساعه
4 نقطعها ونبدا نفردها في صنية مدهونة زيت
5 نتركها تخمر 10 دقايق
6 نضع الصلصة عليها وبعدين نفرد الحشو
7 ندخل في فرن ساخن 200 درجة لمدة ربع ساعة

8 نطلعها نحط على وجهها الجبنة وندخلها تانى الفرن دقيقتين تسيح ونطلعها


مقادير الصلصة والطريقة

5 وحدات طماطم سلقتهم 5 دقايق فى المية

ثم قشرتهم وقطعتهم مكعبات صغيرة اووووووى

طاسة على النار ضعى 2معلقة زيت ثم فصى ثوم مفروم ثم الطماطم ونقلب شوية

ثم ضعى معلقتين صلصة وذرة سكر والملح والفلفل وزعتر وقلبيبها وتتسبك واطفى عليها

ولماتبرد  ادهنى وجه البيتزا بيها

وممكن تستغنى عن الصلصة بالكاتشب

بس ضيفى الحشوة اللى تعجبك (لحمة مفرومة معصجة-جمبرى مشوح مع فص ثوم-سجق مسلوق ومشوح ومقطع -بسطرمة)

وبعدين ضيفى شرايح الفلفل والزيتون

 

ولعمل بيتزا بالتونة بعد الفرد تدهنى صلصة البيتزا وبعدين تصفى التونة من الزيت وتحطى عليها معلقة خل عشان الزفارة
وبعدين فلفل حلقات والزيتون والجبنة ورشة زعتر


والعجينة الباقية فردتها دائرة كبيرة وقطعتها مثلثات وحطيت على الطرف جبنة مثلثات ولفيتها  زى الكرواسون ودهنتها البيض ورشيت على وشها سمسم

 

Tags: ,