Dec 23 2010

عيش شامى

 

المقادير:

5كوب دقيق

2معلقة كبيرة خميرة

2 معلقة كبيرة سكر

معلقة ملح

5ملاعق لبن بودر

2ملاعق زيت

ماء دافئ للعجن

معلقة كبيرة زعتر ناشف

 

الطريقة:

أخلطي ربع كوب ماء دافئ مع الخميرة و السكر و اتركيها مدة ربع ساعة حتى  الرغوة على الخميرة وحجمها يتضاعف

نضع الدقيق مع الملح واللبن البودر والزعتر ونخلطهم ثم تضاف الخميرة ونقلبهم والزيت ثم نبدأ باضافة الماء الدافئ واحدة واحدة ونعجن لغاية ما نلاقى العجينة لمت على بعضها واصبحت كتلة واحدة ولا تلزق باليد ولا بجدار الوعاء

ادهني وعاء بالزيت وضعي العجينة به مع دهن العجينة بالزيت من جميع الجوانب وغطيها بنايلون وفوطة اتركيها  لمدة ساعة في مكان دافئ حتى تختمر و يتضاعف حجمها

هنلاحظ بعد كده ان العجينة انتفخت وتضاعفت في الحجم , هقسمها الى قطع متساوية كل قطعة هاخد كل قطعة وافرد تحتها وفوقها طبقة خفيفة من الدقيق وابدأ الفها على شكل كرة دائرية واتركها متباعدة في صاج مدهون بمادة دهنية واتركها تستريح لمدة ربع ساعة قبل فردها

بعد كده هفردها بالنشابة على شكل دائري ثم اضعها متباعدة ومغطاة بفوطة على الصاج المدهون عشان تخمر وتتضاعف يعني مش اقل من ساعة 

بعد كده هندخلها تستوي في الفرن على أعلى درجة حرارة فى الفرن ولازم يكون الفرن شغال قبلها بشوية , وبعدين اخلي بالي منه عشان مش بياخد وقت كتير, بمعنى اني هحطه واقفل كويس ولمدة دقيقتين او 3 هيكون انتفخ هقلبه عالوجه الاخر بردة لدقيقتين او 3  بعد كده هخرجه واهويه وبعدين اضعه في اكياس

 

ممكن مابتضيفش زيت بس انا متعودة اضيف الزيت واللبن البودرة عشان بيطريها  وممكن الاستغناء عنهم  وكمان الزعتر وكل واحد وحسب اللى هو متعود عليه

Tags: , , ,

Dec 7 2010

تشيكن رول

المقادير:
نصف كيلو فراخ بانيه
واحدة من كل من  فلفل ألوان أحمر وأصفر وأخضر
2 ملاعق زبدة طرية
2معلقة بقدونس مفرومة
جزرة مبشورة
1طماطم مقطعة مكعبات صغيرة اوووووووى
فصين ثوم مفرومين
2معلقة كبيرة مايو نيز
ورق فويل

الطريقة
تتبل الفراخ بالملح والفلفل والبهارات
يجهز الفلفل بتقطيعه قطع صغيرة
تهرس معلقتين الزبدة بالشوكة مع المايونيزوالثوم المهروس وملح وفلفل والبقدونس المفروم والجزرة المبشورة والطماطم المكعبات ومكعبات الفلفل الالوان
ونقلبهم مع بعض ثم ناخد جزء من الحشوة ونضعها على طرف الصدر ونلف الفيليه
ويقطع ورق فويل قطع مستطيلة ونضع كل قطعة فراخ بعد حشوها ولفها وتلف من الاطراف
ثم تسلق فى ماء مغلى لمدة ساعة ثم نتركها تبرد ونفك الفويل وتحمر فى الزيت

 

Tags:

Dec 6 2010

محشى كرنب

المقادير:
 كرنبه متوسطه الحجم
 1\2 كيلو طماطم
 واحد كيلو رز
 ربطة من كل بقدونس وكسبره وشبت مفرومين
 ملح وفلفل وبهارات
شوربه

الطريقة
فى طريقتين لتحضير الكرنب 
- أولا :
- ينزع رأس الكرنبة و تسلق دون تقطيع (كاملة) على وجهها ( لتتخللها المياه ) في ماء مغلي به كمون لمدة  5 دقائق مع ملاحظة ان تكون العروق لينة بعد الانتهاء من سلقها , و مراعاة عدم ترك الورق مده كبيرة لكي لا يهتري ويصعب لفه وتقطع الأوراق إلى أجزاء أصغر وتنزع عروقها الداخلية.
- ثانيا :
- تقطع الكرنبة ورقة ورقة و ينزع منها العروق .
- وتسلق فى ماء مغلى به ملح وكمون لمدة دقيقتين وينشل فى مصفاة وهكذا حتى تنتهى من كل الورق .

يفرم البصل ويحمر بالسمنه والزيت وبعدين تحطى عليه الطماطم المعصورة وتيرك على النار حتى تسبك
يوضع الرز على الخلطه السابقه ونضيف الخضرة و البهارات والملح والفلفل
يقطع ورق الكرنب مربعات وممكن نفرد ورق كرنب  فى قعر الإناء .

تفرد ورقة الكرنب المراد حشوها على طبق مسطح بحيث يكون سطح الورقة ذو العروق مواجه لأعلى. توضع ملعقة كبيرة من الحشو في طرف الورقة. تلف الورقة بإحكام حتى نهاية الطرف الآخر حتى تأخذ شكل الأصابع. يكرر ذلك
يرص الكرنب المحشو في الإناء بشكل دائري لتكوين طبقة واحدة
وبعد ما تنتهى من الحشو اسقيه شوربة(وممكن نزود مع الشوربة نصف كوب عصير طماطم مصفى)  بحيث تغطيه وتتركيه على نار عالية لحد مايغلى
وبعدين توطى عليه النار لحد ما يستوى يعنى من ساعة إلا ربع: لساعة أو اقل

Tags: , ,

Dec 6 2010

كيكة البرتقال

 

المقادير:

2 كوب دقيق

1\4كوب نشا

2معلقة لبن بودرة

باكو بيكنج بودر

ربع ملعقه صغيره ملح

كوب عصير برتقال

4 بيضات

معلقة كبيرة بشر برتقال

1 1\2 كوب سكر

  كوب سمن سائح او زبد او زيت

فانيليا

 

الطريقه

نسخن الفرن على درجة حرارة 160درجة

ندهن الصينية  بالسمنة وتبطن بالدقيق

ننخل الدقيق و نضيف عليه البيكنج بودر و النشا واللبن البودرة والملح فى وعاء

 نضرب المضرب الزبدة أو الزيت مع السكر حتى يكون كريمى ثم نضيف البيض والفانيليا ونخلط كويس بالمضرب ونضيف بشر البرتقال والعصير ثم نضيف خليط الدقيق ونقلب بالراحة

ثم نصبها فى الصينية وتدخل الفرن الساخن لمدة 35:45دقيقة

وتترك فى الفرن بعد السوا 10 دقايق

ثم تترك تبرد وترش عليها سكر بودرة

 

 

Tags: ,