Oct 26 2010

فراخ بالكارى


المقادير
===========

3 ملاعق زيت
فص ثوم
فلفل حار للى عايز
صدر دجاج كبير مكعبات
1\2معلقة كمون
1\2 معلقة كركم
معلقة كارى
1\2 معلقة ملح
2 معلقة صلصة
معلقة كزبرة ناشفة
بصلة
كوب فلفل اخضر رومى
معلقة بقدونس او كزبرة خضراء مفرومة

الطريقة :
============

تقطع البصلة او تبشر ويفرم الثوم ويقطع الفلفل الحار
ويقطع الفلفل الرومى الاخضر مكعبات
وتقطع الفراخ مكعبات

على النار نضع طاسة ثم الزيت يسخن ثم البصلة ونقلب لمدة دقيقة
ثم الفراخ ونقلب من 4 دقائق

ثم نضع الفلفل الحار والثوم ونقلب لمدة 3 دقايق

ثم نضع البهارات ملح وكركم والكارى والكمون وكزبرة ناشفة ثم نضع الصلصة(من الممكن إضافة معلقتين كريمة)

ونقلب ثم كوب ماء يضاف وتقلب ويترك يستوى على نار هادئة لمدة 20 دقيقة

ثم يضاف كوب الفلفل الاخضر الرومى المكعبات(يضاف فى الاخر عشان يبقى مقرمش وطعمه باين) وتقلب دقايق
ويضاف معلقة بقدونس او كزبرة خضراء

ثم تقدم مع ارز ابيض

Tags: , , , ,

Jul 27 2010

بس ايه بقى أحلى صيـــــــنية بطاطس بالفراخ

 

المقاديــــــــر:-
ديه بقى مش فرخة هما جناجين وورك كانوا فاضلين عندى

قطعتهم
معلقة خل حبهان مطحون فلفل اسود ملح فلفلة خضراء فص ثوم بصلة مبشورة

معلقة بابريكا نص معلقة كمون معلقة بهارات
بطاطس تقطع شرائح مدورة
معلقة صلصة كوب ماء مكعب مرقة ماجى


الطريقــــــــــــــة:-

دقى الثوم مع الفلفل وابشرى البصلة وادعكيهم مع بعض والبهارات والملح والفلفل ثم ادعكى بيهم البطاطس والفراخ

هاتى باريكس او صينية عادية رصى قطع البطاطس ثم حطى الفراخ على الوش

دوبى معلقة الصلصة مع مكعب المرقة وحطيهم

ثم غطيها بفويل ودخليها الفرن ولما تستوى شيلى الفويل وسيبها 10 دقائق تتحمر من فوق

وقدمتها مع ارز بالشعرية وسلطة خضراء ومخلل بيتى أنا اللى عملاه

 

Tags: , , , , ,

Jul 23 2010

عزومة على الغدا بالصور(فراخ مشوية +طاجن أرز معمر+ سلطات)

فراخ مشوية +طاجن أرز معمر+ سلطة بابا عنوج

والحلو كيكة الايس كريم


 

الفراخ المشوية

المقادير:-
فرخة
بصلة مبشورة
م ص ملح
م ص فلفل اسود
1\2 م جنزبيل مطحون
1\2 م حبهان مطحون
فص ثوم مفروم
1\2 م كارى
1\2 م كسبرة
2م زيت
2 م خل
كوب زبادى

تغسل الفرخة بالدقيق والملح ثم تشطف وتصفى
وتفتح من عند الصدر بالطول
تخلط المقادير السابقة وتتبل بها الفرخة وتحت الجلد
وتترك 3 ساعات فى التتبيلة ويفضل عملها فى اليوم السابق فى الثلاجة
ثم توضع على شبكة وتوضع على صينية بها كوب ماء ثم تغطى بالفويل
لو مفيش شبكة تشيش على سيخ خشب بتاع الشيش طاووق وترضع على الصينية بحيث تكون اطراف السيخ على حرف الصينية
تدخل فرن 180 درجة لمدة ساعة ولما تستوى نشيل الفويل وتوضع تحت الشواية لمدة 10 دقائق



طاجن رز معمر


المقادير:-
كوب أرز مغسول ومنقوع
م سمنة+م زيت
ملح فلفل
1\2كوب لبن+ 1\2 كوب ماء
2 م كبيرة كريمة لبانى
قوانص

تدعك السمنة والزيت مع الرز والملح ورشة فلفل

تقطع القوانص مكعبات صغيرة وتشوح فى معلقة زيت وتزود ربع كوب ماء

يوضع نصف مقدار الارز فى الطاجن ثم القوانص ثم باقى الارز

ثم يوضع اللبن والماء ويوضع على الوجه معلقة الكريمة اللبانى
(نقيس مقدار اللبن والماء بصابعك أول عقلة يوصل عندها اللبن)

ويدخل فرن ساخن ثم نهدى النار ويترك ليستوى ويتحمر الوجه

 


سلطة بابا عنوج

 



2 باذنجان رومى
فصين ثوم
ليمونة
1\2 كوب طحينة

يغسل الباذنجان ثم يجفف ويوضع فى الفرن يشوى
ولما يتشوى يوضع فى كيس بلاسنيك عشان يعرق ليسهل تقشيره
ثم توضع فى الكبة او تهرس بالشوكة
ثم الثوم المفروم وعصير الليمون ونعمل الطحينة بالماء ومعلقة خل وكمون ويقلبوا مع بعض بالشوكة
وتقدم فى طبق ويرش على الوجه زيت زيتون


كيكة الايس كريم


كيس ايس كريم بالفانيليا

كيس أيس كريم بالفراولة

ممكن كمانن يبقى طبقة تالتة ايس كريم المانجو بس مكانش عندى

فى صينية نضع راق اسبونج او اى كيكة عندك

ثم نعمل ايس كريم الفانيليا كما هو مدون على العلبة وتضاف على الكيكة

وتوضع فى الفريرز لمدة ساعتين

ثم نعما ايس كريم الفراولة ونحطه فى الفريزر ساعتين

ثم تقطع وتقدم

Tags: , , , , , , , , , , , ,