Sep 6 2010

حد - محمد السيد

Category: أدب | شعر وشعراءAmr @ 14:24


فى سبت بعدو الحد

فى حد ما بعدوش

فى حد لما احتد

الكل ما احتدوش

مع انهم فى العد

ياما ميتعدوش

لكن فى وقت الجد

دارو الوشوش مابانوش

منهم فى ناس ع الأد

راضيين بكام ملطوش

وناس ماليهم حد

بالظلم يملو كروش

و ناس تحب الهد

والباقى مبيبنوش

وناس املها اتهد

وناس ميتهدوش

وشاب زى الورد

فى قتله ماتوصوش

وناس بتملا اليد

ياخدو ومبيدوش

وناس بضيق اليد

نامو وما اتعشوش

وناس تموت م البرد

وناس مبيحسوش

وناس بتوعد وعد

وسنين منفذوهوش

ولا شئ حصل ولا جد

عايشين ومتحاسبوش

وناس تمد اليد

غلابة وملقيوش

وناس تبيع الورد

علشان يلمو قروش

اخر النهار تتشد

ويروحو ف الكلابوش

وناس يقيمو الحد

والدين ميفهمهوش

وناس تعيش فى المجد

وهما ما استحيوش

وناس بتبنى ف سد

وناس مايهتموش

علشان بيبنو فى سد

عن ناس تعوزنا يحوش

من تحته غاز يتمد

لناس مايستهلوش

 


Tags: , , ,

Sep 6 2010

مشتاق قوي - أحمد حمدي

Category: أدب | شعر وشعراءAmr @ 14:18

مشتاق قوي
للكعبة والبيت الحرام
ولركعتين بعد الطواف
خلف المقام

وزمزم الصافيه

اللي أطهر م اللبن
ودعوة خالصة
إني أنول جنة عدن

أشتقت أكتر للدعا

بين الحجر والباب
وحاجه حلوه يحسها
قلبي اللي تاب

وناس كتير من كل

جنس ولون وطول
متجمعه تطلب من
المولى القبول

أشتقت أبوسك ياحجر

وأرمي عليك باقي الذنوب
كان لونك أبيض م القمر
واسود من ظلم القلوب

أطلع على جبل الصفا

أبص للبيت العتيق
يحس قلبي بالدفا
لما اطلب الخير للصديق

أبدأ مابين الصفا والمروه

وأخشع سعي
سبعه من الأشواط وأنا
رايح لربي وجي

أنهي المناسك من هنا

أدخل على حجر إسماعيل
نلت الأماني يا أنا
إياك ف يوم ترجع تميل

Tags: , , ,

Sep 6 2010

توب الدموع - ميسرة صلاح الدين

Category: أدب | شعر وشعراءAmr @ 06:13

- بتضييع حلاوة الوصف من عظمة الموصوف-
لما تجود عين الرجال
بتجود في حب المصطفى
ولما تنهد الجبال
لجل العلي اللي أصطفى
يا رب
يا رب بحنى جبهتي
وبحس أنى عليت كتير
و فضعفى بلقى قوتي
والدمع توب ملهوش كبير
وأنت الكبير
ع اللي كبر
واللي فجر
واللي في ليل الخوف غدر
حتى القمر
بيصلى بنجوم السما
وأنت اللي بيك قلبي سما
عن كل أطماع البشر
وأما هويت كنت الهوا
وأما رميت عدلك رمي
بالنور وما يغشى البصر
دا أنا ضعف حبات المطر
لكن قوى
سابح في زمنك وف ساعاتك
وبقلبي يامة قريت صفاتك
ولأني حبيتك لذاتك
لقيتني روح دايبة قوى
ما أنت القوى
ع اللي قوى واللي غوى
واللي على عبادك نوى
يا خالق الطير والنوى
بتسبح الريح والشجر
بيوطى لإيدين الضعيف
اللي مطاله بحكمتك
وأنا إنسْى مليان بالعبر
لكنى طالب رحمتك
يا رب
يا رب بحنى جبهتي
وبحس أنى عليت كتير
--------------------------------


Tags: , , ,

Sep 6 2010

رمضان يجمعنا بالخير - ياسمين عرفي

Category: أدب | شعر وشعراءAmr @ 06:09
رمضان يجمعنا بالخير
وبلمة العيلة وأهل الخير
وبصيامنا وصلاتنا نتوب لله
ننقى قلوبنا للخير


رمضان بيجمعنا بالعبادات
مانفكر غير بزيادة الحسنات
وبالقرأن نتقرب لله
ونكفر عن كل السيئات


راعى ربك يا صائم ومتفوتهاش
قوم وصلى القيام ومتسبهاش
رمضان فرصة للتوبة
وصلاة الفجر مضيعهاش


وبعمرة رمضان نخشع لله
والصلاة فى مسجد رسول الله
عمرة رمضان .. حجة
انتهزها يا مسلم واتقرب لله

وما تنساش ربك ليلة القدر
هى ليلة من ألف شهر
ليغفر ربك من كل ذنب
تطهر قلبك لاخر العمر

ومضيعش حسناتك بعد رمضان
جاهد نفسك فى العبادة يا انسان
تقرب لله دايما بالصلاه
وحارب الشيطان بقرأة القرأن

Tags: , , ,

Sep 6 2010

حوار مع قلمي - كابتن أحمد

Category: أدب | شعر وشعراءAmr @ 06:05
حوار مع قلمى
ماسك ف ايدى القلم بكتب كلام موزون
وبشكل الحرف بالاحساس وبالمضمون
وقف ف ايدى القلم قالى غلب سنى
قضيت حياتك تقول الشعر وتغنى
لاحد يوم قدرك ولا حد سائل فيك
قلت الحقيقه بقى وافهم يازين الاقلام
علشان ف يوم تتسمع مش شرط تسوى كام
كل الحكاية تزوق كلمتين هايفين
اهو تسمح الجوخ ساعتها يبقى احلى كلام
قال القلم طب مالهيافه تبقى هى الجد
والجد يفضل كدة تايه ليوم الحد
ماتياله بيينا نجرب يوم ونتهايف
يمكن تكون البدايه والطريق يتمد
زعقت ليه ياقلم خيبت ظنى فيك
والله لولاش عشرتك ماكنت كاتب بيك
اكتم رصاصك واسكت ياقلم خاين
لااحمى موسى وااجيلك من ورا وابريك
قال القلم ياجدع فاضيين وبنهزر
ولاالهزار فى الادب ممنوع ومتحذر
وان كنت منى انا واخد على خاطرك
وحياة كلام الهوا غلطان وبتعذر
قلت الادب ياقلم مش شهرة فى الجرانين
ولا اسم لامع كدة مكتوبه بيه عناوين
دة الفن كلمه والشعر شوف كام كلمه
يعنى الفنون كلها فى الشعر مجموعين
قال القلم مش كدة ياشاعر الارياف
اصل الكلام مش موحد الكلام اصناف
كلمه تضحك وكلمه تانيه بتبكى
وكلمه تخزل وكلمه تانيه للانصاف
قلت الادب ياقلم زى الشهادة تمام
فيه اللى صادقواللى يقول دى بكام
وفيه كمان اللى خايف م الكلام ف الحق
يتدارى بين البشر ويتوة وسط الزحام
قال القلم ياسلام لو لونى يتغير
والسن يبقى كدة معدن ولونه اصفر
وابقى ف ايد الكبير اللى يكون مشهور
واكتب وااقول للزمن ااقرى كلام ماثور
رديت عليه ياغبى اصحى كدة وفكر
دة انت ف ايدى رصاص والشهرةللباركر

Tags: , , ,