Jul 24 2010

الف نيلة ونيلة - الحلقة الرابعة

الحلقة الرابعة
_____________________


بلغني ايها الملك الجميل ذو العمر الطويل
ان الملك خازوق
ملك مصروق
استيقظ من نومه مخنوق
يسب ويلعن من حوله ودمه يتفجر في العروق


- انا عايز في خلال 5 دقايق كل البهايم اللي شغالة عندي تتسمر ادامي حالااااااااااااااااااا
• تمتلأ غرفة الملك بكل المسئولين والوزراء في سرعة لم يحققها اكثر الجان سرعة ومهارة

- ايه؟ عجزتو؟اشوف غيركوا؟ لا حرس قديم ناافع ولا حرس جديد ولا حتي حرس الحدود
بقي حتة عيل لسه ماكملش ال 76 سنة هايتسيط علي اخر الزمن ععلي قفانا؟؟ وياخد الجمل بماا حمل ده لما يعض نضارته

اللواء حبيب بابا : فيه ايه بس جلالتك؟

- اخرس انت باالذات .. وكمان مش عارف فيه ايه؟ بس مصروق الامن والاماان وصورك في كل مكان ونفديك في اي زمان فالح بس تعلق لي صوري وتكتب مصروق خازوق و وعدت فاخلفت بعد د/ أيسر ضوء ماهانطفيه ماحدش هايجرؤ يقف ادام جلالتك مش ده كلامك يا خويا ولا كلام جدة ابني الامير خابور؟؟؟
- يا فندم...
- ااسكت ... اسكت ده انا بدأت احس بشيخوخة مبكرة منكم لله ده انا لسه ماكملتش ال 120 سنة هاتموتوني ف عز شبابي وتضيعوا الممكلة من بعدي
- يا فندم الناس بتطالب بالتغيير و عاايزة تغير جلالتك
- ايه؟ تغيرني انا؟
- لا عظمتك العفو انا بقول الناس عايزة تغير .... جلالتك
- اه بحسب طيب مانا عارف دي حاجة مش جديدة الناس عايزة تغير من 20 سنة واكتر المهم ايه الحل دلوقت يا سابق عصرك؟

برنس غالي جدا : اممم نعمل كباين علشان الناس تغير فيهاا.... و ممكن ناخد ضرايب بدل تغيير ونقفل المديونيات بقي

- انت كدة بتشجع علي التغيير يا عبقري جيلك اعمل فيك ايه؟

المحامي منفضة مكسور : لو برنس غالي زعلك ارفع عليه قضية جلالتك وأحبسه من بكرة وملفاته عندي
اولا متهرب من الضرايب ولابس نضارة قعر كباية والازاز غالي ده غير اني هااعمله قضية تبديد لبااقي الكباية ده غير موضوع الكبااين يا فندم ده لوحده كارثة هاعمله قضية اداب عشان بيشجع الناس علي الفجور والعري بس .. اؤمرني جلالتك

-اممم اعملهم ااحتياطي وما تتقدمش بحاجة الا لما اقولك....... بس برضه ماحدش قاللي حل

• وتتوالي الاقتراحات وردود الملك

- نقتله
- مش هارد عليك

- نتهمه بتدبير عمليه ارهاابيه والخليه جااهزة في المعتقل يا فندم
- اخرس

- نقول الدكتوراه بتاعته مضروبة ومشكوك فيها
- عملناها قبل كدة

هنا ينبري المشمهندس احسن وز ويدفع منتصف نظارته الصغيرة بسبابته قبل ان ينطق في مكر شديد

: نتهمه بانه عايز يدخل الطاقة النووية مصر وامريكا بعتاه للسبب ده ععلشان تتحجج لضرب مصروق اللي حميتها حكمة جلالتك وعظمتك علي مدي ال 45 سنة اللي فاتت

- ااممم طيب ما النااس هاتقول اننا غنيناا علي الموضوع ده واخدنا منطقة الفهدة عشان نعملها مفاعل نووي
- يا فندم ماحنا هانقول لما اكتشفنا المؤامرة حاولنا نبيع الارض لرجال الاعمال عشان يعملوها منتجعات سياحية وبعرضناها باابخس الاسعاار علشان نلحق نجهض المؤامرة وكل ده بتواريخ قديمة سيادتك وموجوده في كل جرايد المعارضة

تلمع عينا خازوق ف سعادة بالغة قبل ان يربت علي كتف وز برضا بالغ تبعته نظرة رضا من وز نظرة القط لصاحبه بعد تناوله وجبة سمك من يده

- الملك خاازوق : الو ... اطلبوا لي ااسامة مرايا رئيس تحرير جرنال الاورام حالا
- الو ايوة معااليك يارب يكون جلالتك بخير .... اؤمر جلالتك
- عايزك بكرة توقف المقال اليومي االلي بتكتبه عني من 15 سنة واجل المقال اال 5476 شوية
- ليه ياا فندم ؟ فيه كلمه زعلت جلالتك؟ده اناا بكتب اللي ف قلبي والله وربنا يشهد
- لا ابدا اللي بتكتبه معقول بس خلي بالك الواد محتااس الفار بتاع الاحــبار كتب عني احسن منك المرة دي
ده قاللي لمن غيرك نشكو ياا سلام جملة جامدة اوي لمن غيرك نشكو بس ماقالش لمن غير عظمتك نشكو يالا هافوتهاله عشان عجبتني وبعدين ده متقدم ععليك ب 17 مقال لحد دلوقت
- اازاي يا فندم احنا بدأنا مع بعض
- مااهو نزل 16 النهاردة بس

يتملك الصمت من مرايا بعد ان تلون وجهه وجسده بلون فانلة النادي الخاازوقي (الاهلي سابفا) قبل ان يقطع الصمت ب

- ح ح حااضر ياا فندم هاتشوف بكرة اللي يرجع رضاك عني بكرة ان شاء الله عدد 6 ابريل شوف ها تكلم عن جلالتك ازاي

- بتقول 6 ايه؟
- ابريل يا فندم ... 6 ابريل ... ......... الو ... جلالة الملك .. جلالة الملك


وبعد ان سمع الملك جملة 6 ابريل .. ذهب في اغماء طويل . وعندئذٍ

** يقطع كلام شهرزاد رنين المحمول بنغمة مابلاش نتكلم ف الماضي .. الماضي ده كان كله جراح للفنان الراحل عمرو دياب قبل ان تقول


مولاااااااااااااااااااااي


يتبع لو لسه ما تقبضش عليا

Tags: , ,

Jul 15 2010

الف نيلة ونيلة - الحلقة الثالثة

 احمد العجمي 


___________

الحلقة الثالثة : لأجلك أنت
____________

بلغني ايها الملك الرشيد
ذو العمر المديد
انه في عصرالفساد
و العمولات
وسيطرة العصابات
تفشت الحوادث
والكوارث
وتعددت في القطارات
لبيعها لا صحاب المليارات

- ياخبر اسود يا فندم القطرين لبسوا في بعض يا نهار اسود يا نهار اسود
- صح يا نهار اسود هانتصرف ازاي ..االناس بتموت ومش عارفين نوصل لتوجيهات الملك ربنا يطول لنا في عمره
- طب مانتصرف يافندم ونقول بناءا علي توجيهات وتكليفات وتعليمات سيادته وسعادته و حكمته اللي بتنزل علينا في الوقت المناسب دايما بس ننقذ النااس دي اللي بتموت
- لا يافالح ماينفعش لازم نااخد توجيهااات وموافقات من سيادته باننا نقول بناءاا علي توجيهات سيادته برضه اتهطل ده ولا ايه؟! ولا اتجنن ؟! عاايزنا نتصرف من دماغنا ..هي دمااغنا ايه جنب دماغ سياادته ولا حماااقاتنا اللي بتسميها قراراتنا دي هاتتقاارن ازاي بحكمته!!!دي كفاية طلته علينا طب تعرف تقول " الاخوة والاخوات" زي مابيقولها كدة؟؟
والنبي تتلهي وتقعد لنا علي جنب وتستغفر ربنا
- استغفر الله العظيم عندك حق انا اتجرأت وقولت كدة ازاي؟طب سيادتك كلم مكتب الوزير تاني يمكن يرد علي سعادتك المرة دي

- الو .. ايوة يا فندم انااا رئيس مصلحة السكة الحديد يا فندم
الوزير – نعم فيه اايه؟؟ مش انت لسه متصل بيا العصر؟؟
اايوة يا فندم بس فيه قطرين لبسوا في بعض تاني يا فندم
- ياا نهار اسود يا نهار اسود هاتصرف اازاي انا ماعنديش توجيهات ولا تكليفات ولا تعليماات...القطر ده ايه؟توربيني ولا اسباني؟
- لا يافندم ده مش من القطارات النضيفة اللي بتطلع في اعلاانات المصري االلي علي حق لزوم الشياكة دول قطرين في االعيااط
- عيااااااط؟؟؟؟؟؟ طراااااااااخ

يتملك الوزير حالة من الغضب ويتمتم بكلمات غير مفهومة ثم يلتفت للسكرتير االخاص المرتعده فرائصه المصدرة صوتا عالياا ازعج الوزير بشدة
- شوف يا حسن موضوع العياط ده ايه وظبطته بمعرفتك وبطريقتك اناا مش ناقص وَش ولا صداع واتحرك قبل المعارضه ماتلقط الموضوع
يبتسم حسن مشاوير ..لثقة الوزير ..وينطلق مسرعا لاعداد التقارير

هاتف الوزير يبدا في رنين مزعج

-اكيد ده االزفت رئيس مصلحة االسكة الصفيح ...
ايوة يا حيوا.....احم اي اي ايوة يا فففنددم ... لا يافندم انا كنت بكلم حسن السكرتير الخاص لا يافندم
تحت امر سيادتك
ايوة يا فندم بعته يتصرف ويظبط التقرير زي الحااادثة اللي فاتت ...
يا نهار اسود يا نهار اسود وصلت للمعارضة والفضائيات ووكالات الانباء العالمية؟؟ هي الناس دي ايه فااضية؟
حاضر يا فندم في انتظار تكليفات وتوجيهات وتعليمات سياادتك لا يا فندم هانسكت خالص ومش هانطلع اي تقارير ولا بيانات ...ماتقلقش يا فندم احنا تلامذتك... حاحاحااحاضر يا فن فن فندم في رعاية الله

وبعد ان يخرج نفسه المكتوم من اول المكالمة ويهندم رابطة عنقه ويمسح عرقه الذي وصل الي جواربه

- حسن يا حيوان تعالي لي فورا
- ايوة يا فن فن فندم اؤاؤمرني
- اانا مش قاايلك انجز وخلص التقرير الزفت؟ هاتخربو بيوتنا وهااتسجنونا اشتغلوا صح مرة بقي
- حصل ايه يا فندم
- فيه ااوامر عليا جت لنا اننا نسكت ومانطلعش ااي بيانات ونستني الاوامر
- تحت امرك يا فندم هاقطع التقرير وهاستني ااوامر سيادتك
- وابعت لي حد ينشف الكرسي بتاعي ويجيب لي واحد غيره لحد مااينشف وانشف
-
وفي تلك الاثناء في الحزب الملكي الدمويقراطي
احمد كفيف رئيس مجلس المنفذين يستأذن الامير خابور ليتحدث اليه في أمر هام
وغاب الاثناان في حديث وهمهمة وهمس وبصحبتهم نفر من الجن ... عفوا مولاي.. نفر من المسئولين

وفي القاعه كان يجلس شااب وسيم صغير السن من شباب المستقبل التخيلي يتابع باهتمام وتركيز في محااولة لفهم مايدور بين المسئولين والامير المغرور

الامير خابور : نعم يا
Your mother's soul
؟
عياط؟ عياط ايه دي كماان؟؟ وفين دي اصلا ؟؟؟ بقي مطلعني من المؤتمر وحرمتني من لحظات التصوير والوقوف اادام الكاميرات عشان شوية نااس اكيد ماالهااش ااي لازمة وعاله علي مجتمعنا وعايزين نتخلص منهم عشاان يفضل لنا الناس الراقية الرايقة النضيفه ومااحدش يقرفنا بقي لا برغيف عيش فيه حديد عز ولا بزيادة اجور ولا بمواصلات وقرف وكلام لا بيودي ولا بيجيب

كفيف بهمس : يا فندم الموضوع وصل للمعارضة والفضائيات و وكالات الانباء العالمية
الامير : يا ولاد ال ...... احم .. لطااف ااوي ههه طيب تقترحوا نقول ايه الاسباب اللي اادت للحادثةة؟

مفيش شباب : نقول ماس كهرباائي في احد اعمدة الانارة
الامير : اتلهي هو فيه انارة اصلا بيقولك العياط

بطرس غالي جدا : سواق القطر كان بيفكر في انه ماقدمش ااقرار الضريبة العقارية واتفاجيء بمعزة فحاول يفاديها

الامير : ده قطر مش عربية ياا متخلف وبعدين معزة ايه اللي هاايفديها واقرار ايه انت هاتقلب عليناا االدنيا؟؟ غبي

ذكر يا عزمي : اممم نقول ...كان...السواق...مختل ....عقليا...وخطف....االقطر...واصر يكمل ...رغم تحذيرات االسنافورات

الامير : اممممم معقوله دي

فجاة يدخل للقاعه شااب صغير
يركض باتجاه االامير
ويسلمه ورقة خاصة وكأن بها خبر خطير

- امممممم الامن بيقول ان السبب جاموسة عدت شريط القطر
- مفيش شبااب : اناا قولت معزة .. جاموسة معزة مافرقتش كتير يعني

- اخرس انت .... والفلاح صاحبها كان مختل عقلياا زي ماقولت ياا عزمي

ذكر يا عزمي : بكدة يا فندم اتظبطت اهي ونقدر نقول ان الجاموسة كمان كانت عندها جنون بقر وانا رأيي نشيل الوزير بالمرة عشان الناس تحس اننا جامدين برضه وما بنتهاونش في الغلط واحنا داخلين علي انتخاباات سيادتك رغم انها مش هااتفرق بس منظر برضه

الامير بعد ضحكة كارتونية : طيب موافق .. يالا بقي عشان الكاميرات وحشتني

وماا ان انتهي الامير من كلماته وقفشاته ثقيلة الظل اللطيفة علي من حوله حتي قطعت ضحكته العالية المصطنعه ولهفته لاحتضان الكاميرات
الشاب الذي كان يتابع حديثهم باهتمام
والذي هب بشكل مفاجي بعد اطلااق الامير ضحكته وذهب باتجااه اللوحة الكبيرة البيضاء التي يتوسطها الشعار الجديد للحزب

"لأَجْـــلـــِـــكَ أنت"

وهو يري امام عينيه اخيه الشهيد الذي قتل برصاص الصهاينة علي االحدود ولم يؤخذ حقه
وشقيقته الكبري التي توفت في مستشفي حكومي بعد تضامن السرطان والاهمال ضدها
واستاذه باالجامعه وقدوته واالذي مات محروقا في قصر ثقافة بني سويف
وابن عمه الذي غريقاا واسرته بالكامل في عبارة السلام
وخاله المصاب الان بالتيفود بعد ان شرب مياه ملوثة بالمجاري
ووالدته التي نقل اليها كيس دم ملوث من اكياس هيدلينا
جاره وصديقه المسجون حاليا بتهمة اللعب في "جزرة" قطار كفر الدوار لانه كان يحمل ارانب
و ااحتراق 4 من زملائه بالجاامعه في قطار الصعيد

وظل يتذكر ويتذكر وهو يتحسس الطريق للوحة
وما ان وصل اليها – اللوحة – التي يكاد يراها من بين دموعه وبدا في كتابه شيء بعد ان محي الشعار
وتملك الصمت جنبات القاعه بعد ان وضع قلمه و خرج بخطي ثقيله للخارج ليظهر الشعار كما هو ولكن بشكل أكثر مصداقية وواقعيه

" لأَجــــَـــلــــــــِــــــــك َ أنـــــت"




يتبع لو هافضل برة

 

Tags:

Jul 12 2010

الف نيلة ونيلة - الحلقة الثانية


الف نيلة ونيلة (الحلقة التانية)

بلغني ايها االملك الوقور العادل المشهور
ان الملك خازوق امر بالاستعداد
لاقامة المختبر السنوي للحزن الوطني كالمعتاد
ودعا اليه القيادات
واباطرة الفساد
الامير خابور
ولي العهد المغرور
وزفلت الرغيف رئيس مجلس االشومة
ومجدي مسرور رئيس القعده الشعبيه
واحمد كفيف رئيس مجلس المنفذين
و لفيف من المنفذين علي رأسهم
السيد مفيش شباب
والسيد نطاط ابو الحيط
والسيد بطرس غالي جدا

وبعد سلامات وتتعظيمات وتبجيلات وقبلات
توجه االامير خابور
في زهو وغرور
ليلقي كلمتته للجمهور


احم
اهلا بيكم
اممممم
لا تصقيفكم مش عاجبني
مش عاجبني
صقفوا تاني

اممم لا كماان مرة

طيب معقول كدةة

طبعا في ظل شعارنا الجديد وكله النهاردة جديد نيو لوك يعني
شعارنا الجديد "الفكر العقيم والعبور علي المستقبل"

طبعا في ظل التدهورات الاقتصادية العالمية
شوفنا اننا لازم نواكب التدهور ده
ولازم لو ماقدرناش نكون اكثر تدهورا نكون علي الاقل متدهورين زي الناس دي

- وفجاة يحدث مقاطعه من احد الحاضرين ويقول ععلي مراي ومسمع الملايين بعد اذنك يا ريس عندي اعتراض
- يتجاهله الامير بثبات ويكمل سرد الكلمات

لان اكيد الغرب بيفهم اكتر منناا واكيد همة متدهورين كدة لحكمة انا مانفهمهاش ولا عقلنا يجيبها
النااس الجاهلو بتقول اننا صدرنا الغاز لاسرائيل برخص التراب والحقيقة اللي الناس ماتعرفهاش انناا ماصدرناش الغغاز وبس ااحنا صدرنا الطارشة كمان للناس وللمعارضه
والي بيتكلم عن السعر ييجي يشوف التدهور اللي حاصل ويعرف كويس اننا بناخد حقنا تالت ومتلت احنا بنديهم الغاز وهمة بيدونا الامان واالاستمرار في اماكنا
واكيد احنا بكدة بنواكب التدهور العالمي وبنتماشي معه وبنمشي امورنا برضه
وطبعا اكيد الناس شافت الفرق الرهيب المتباين اللي طرا علي جميع المستويات والطبقات وتزايد الوعي واللاوعي في الشعور الحلزوني بين الطبقات وبعضها البعض و المنبثق من اعماق التحديات والصعوبات في ظل التعاون الدولي المتتالي والمتوازن في الاتجاهات المتقاطعه والانعكاسات المفتوحة في القوانين الدوليةة وااللادولية والمنافسات اللاشرعيةة والشرعية ايضا في مسابقات المسافاات الطويلة المنتظمة في الدورات الدموية المنخفضة والمعروفة بالقطع والقص لحضراتكم واكيد انتوا فاهمين طبعاا ولا ايه؟؟
طيب

اعتقد مااعنديش كلام تاني اقوله او بمعين ادق مافيش عند اللي جهز لي الكلام كلام تاني
وياريت اسمع تصقيفكم

وبعد ان ابدي االجميع الاهتماام
وبعد ان وضع كل عضو اللجام
سكت الكلام
وجاء الوقت يا مولاي لكي تنام

_____________________
يتبع لو لسه ماتقبضش عليا

Tags: , ,

Jul 10 2010

الف نيلة ونيلة - الحلقة الاولي

الف نيلة و نيلة حلقات كوميدية ساخرة لكل المصريين - احمد العجمي

 

الحلقة الاولي

 

بلغني ايها الملك الرشيد
ذو العمر المديد
انه في سالف العصر اللي فات
كان للفساد حكايات
ومملكة لها تاريخ
ذهبت في مهب الريح
بعد الفساد الصريح

مملكة مصروق....
وملكها خازوق...
.الذي جاء بعد رؤساء عظام ....
بعد ثورة ظباط صغار..
.علي ملكٍ يسمي فاروق

---

ترررررررررن
- الو ..انا الملك خازوق الاول مين معايا؟
- انا مجدي سرور السياف يا فندم
-عايز ايه يا سرور انت صحتني من احلاها نومة
يرتعد سرور ويتلعثم قبل ان يقول
- ااانا..انا انا اسف جلالتك...يقطعني
-خلاص خلاص خلصنا عايز ايه
بعد اذن وعطف وتكرم وتلطف سعادتك وعظمتك عايزين فرمان بخصوص القانون اللي بناقشه من 28 سنة ده وهايتناقش بكرة سعادتك

- قانون ايه تاني الله يحرقك
-قانون المطارق سعادتك
-ايه؟ايه يا سرور انت عجزت ولا ايه امال ان ماكنتش سياف من 19 سنة ولحد دلوقت وان ماكنتش مسئول التقليم في المملكه لمدة 4سنين وقضيت علي براعم كتير بتقليمك

- معلش سعادتك احنا مهما كبرنا ومهما اتعلمنا مش هاتيجي ربع حكمتك احنا لنا بركة الا سيادتك

يبتسم الملك خازوق بعد احساس بالغ بالفخر قبل ان يقول

- هانعلم فيكوا لامتي بس اه
بما انك سياف لازم يكون كلامك بكرة حاسم وحاد
ابتر أي صوت للمعارضة
واقطع رقبة اي واحد ينطق
واطعن لو صوت المعارضة كسب
وبارز كل واحد يحاول ..فاهم يحاول بس يلمح لالغاء قانون المطارق هو احنا من غيره نقدر نستني في مكانا اتعلموها بقي هاتودونا في داهية يخربيت قنوات الاغاني اللي اكلت نافوخكوا

وبعد ان غرق سرور في عرقه هب واقفا- في التليفون - مصفقا مذهولا قائلا

- الله الله الله ياسلام علي حكمة فخامتك يا سلام
ماشي سعادتك بس ليا سؤال برة الموضوع

بعد متاوبة 235 ثانية
- قول وخلصني
- ليه جلالتك سميته قانون المطارق؟؟
-جمع مطرقة يا فالح....طررررراخ

---
مشهد 2

مجدي سرور السياف يرأس الدورة الاسثنائية للقعدة الشعبية
- بسم الله الرحمن الرحيم
بناءا علي توجيهات جلالة الملك هه؟جلالة الملك شخصيا فاهمين؟؟
تم صدور فرمان من جلالته بتمديد العمل بقانون المطارق
والموافق يتفضل برفع يده
والغير موافق يتفضل برة

..... موافقة

ثم يرفع رأسه لينظر للاعضاء قبل ان يقول بابتسامة صفراء
خلاص خلاص التليفزيون صور نزلوا ايديكوا

تصفيق حار

يتبع

Tags: , ,