Dec 6 2010

محشى كرنب

المقادير:
 كرنبه متوسطه الحجم
 1\2 كيلو طماطم
 واحد كيلو رز
 ربطة من كل بقدونس وكسبره وشبت مفرومين
 ملح وفلفل وبهارات
شوربه

الطريقة
فى طريقتين لتحضير الكرنب 
- أولا :
- ينزع رأس الكرنبة و تسلق دون تقطيع (كاملة) على وجهها ( لتتخللها المياه ) في ماء مغلي به كمون لمدة  5 دقائق مع ملاحظة ان تكون العروق لينة بعد الانتهاء من سلقها , و مراعاة عدم ترك الورق مده كبيرة لكي لا يهتري ويصعب لفه وتقطع الأوراق إلى أجزاء أصغر وتنزع عروقها الداخلية.
- ثانيا :
- تقطع الكرنبة ورقة ورقة و ينزع منها العروق .
- وتسلق فى ماء مغلى به ملح وكمون لمدة دقيقتين وينشل فى مصفاة وهكذا حتى تنتهى من كل الورق .

يفرم البصل ويحمر بالسمنه والزيت وبعدين تحطى عليه الطماطم المعصورة وتيرك على النار حتى تسبك
يوضع الرز على الخلطه السابقه ونضيف الخضرة و البهارات والملح والفلفل
يقطع ورق الكرنب مربعات وممكن نفرد ورق كرنب  فى قعر الإناء .

تفرد ورقة الكرنب المراد حشوها على طبق مسطح بحيث يكون سطح الورقة ذو العروق مواجه لأعلى. توضع ملعقة كبيرة من الحشو في طرف الورقة. تلف الورقة بإحكام حتى نهاية الطرف الآخر حتى تأخذ شكل الأصابع. يكرر ذلك
يرص الكرنب المحشو في الإناء بشكل دائري لتكوين طبقة واحدة
وبعد ما تنتهى من الحشو اسقيه شوربة(وممكن نزود مع الشوربة نصف كوب عصير طماطم مصفى)  بحيث تغطيه وتتركيه على نار عالية لحد مايغلى
وبعدين توطى عليه النار لحد ما يستوى يعنى من ساعة إلا ربع: لساعة أو اقل

Tags: , ,

Dec 6 2010

كيكة البرتقال

 

المقادير:

2 كوب دقيق

1\4كوب نشا

2معلقة لبن بودرة

باكو بيكنج بودر

ربع ملعقه صغيره ملح

كوب عصير برتقال

4 بيضات

معلقة كبيرة بشر برتقال

1 1\2 كوب سكر

  كوب سمن سائح او زبد او زيت

فانيليا

 

الطريقه

نسخن الفرن على درجة حرارة 160درجة

ندهن الصينية  بالسمنة وتبطن بالدقيق

ننخل الدقيق و نضيف عليه البيكنج بودر و النشا واللبن البودرة والملح فى وعاء

 نضرب المضرب الزبدة أو الزيت مع السكر حتى يكون كريمى ثم نضيف البيض والفانيليا ونخلط كويس بالمضرب ونضيف بشر البرتقال والعصير ثم نضيف خليط الدقيق ونقلب بالراحة

ثم نصبها فى الصينية وتدخل الفرن الساخن لمدة 35:45دقيقة

وتترك فى الفرن بعد السوا 10 دقايق

ثم تترك تبرد وترش عليها سكر بودرة

 

 

Tags: ,

Nov 9 2010

الكبسة باللحمة

 

المقادير  :


نصف كيلو لحمة
2كوب كبير ارز بسمتى ينقع لمدة نصف ساعة
بصلة مفرومة
فصين ثوم مفرومين
قرن فلفل اخضر حار
ملح وفلف اسود
وبهارات مطحونه و وكمون
 بهارات صحيحه ( قرفه وقرنفل وهيل وورق غار وفلفل اسود ومستكة وليمون ناشف )
بهارات الكبسة مطحونة
معلقة كركم
3 طماطم متوسطة الحجم ومعلقتين صلصة
الطريقة
يسلق اللحم  بماء وملح وفلفل اسود وعود قرفه  و2حبات هيل
فى حلة على النار نضع معلقتين زيت ثم نشوح البصلة وفص الثوم مع بعض حتى يدبلو
ثم نضيف اللحم المسلوق
ونقلب شوية ثم نضيف بهارات صحيحه من 2 عود قرفه و5 حبات هيل وقرنفل
وورق الغار وحبتين ليمون ناشف فلفل اسود
ورشه ملح وفلفل اسود مطحون وبهارات الكبسه مطحونه والكركم
ونقلب دقيقةنضيف الفلفل الحار ثم نضيف الطماطم بعد تقشيرها وتقطعيها مكعبات صغيرة
ومعلقتين الصلصة ونقلب دقايق
ثم نضيف الرز المنقوع ونقلب
ثم نضيف من شوربة اللحمة نزيد الميه يعنى ترتفع عن الارز بمقدار عقلة الصباع
ونتركها تغلى على نار عالية ثم نهدى عليها النار ونتركها تستوى
وتزين بالمكسرات المحمرة فى معلقتين زيت

Tags: , ,

Nov 8 2010

فيتوتشينى بصوص الفريدو

فيتوتشينى بصوص الفريدو

كيس مكرونة فيتوتشينى
فص ثوم مفروم
2معلقة زبدة
200مللى كريمة طهى
2معلقة كبيرة جبنة مبشورة
200جم مشروم شرايح
ملح
فلفل اسود
2 معلقة بقدونس مفرووم

تسلق المكرونة حسب التعليمات على العبوة
تصفى وتغسل ونضيف عليها معلقتين زيت
فى حلة على النار ندوب معلقتين الزبدة ثم فص الثوم المفروم ثم الكريمة وملح وفلفل اسود ونقلب لمدة 4 دقايق
ثم نضيف الجبنة المبشورة تغلى وتتخن
ثم تضاف على المكرونة ونضيف البقدونس ونقلب وتقدم


ملاحظة لهلوبة:
بدل الكريمة ممكن ندوب معلقتين دقيق مع كوبين لبن ونضيفله جبنة مبشورة

Tags: , ,

Nov 8 2010

بيكاتا فراخ بصوص المشروم

4 قطع فيليه فراخ
معلقة كبيرة زيت +2معلقة زبدة
200 جم مشروم شرائح
فص ثوم
زعتر
بصلة مفرومة
معلقة مسطرة
معلقة صويا صوص
200مللى كريمة طهى

نتبل الفراخ بالملح والفلفل الاسود
فى طاسة نسخن الزبدة والزيت  ثم نضع الفيليه تحمر ثم نقلبها على الوجه التانى تحمر ثم ننشلها من الطاسة
نضع فى نفس الطاسة البصلة وفص الثوم المفرومين ونقلب دقيقتين ومشروم ورشة زعتر والكريمة ونقلب دقيقة والمسطردة وملح وفلفل اسود ثم نرجع قطع الفيليه فى الطاسة تانى
ونهدى النار وتترك ربع ساعة تستوى مع الصوص
تقدم مع الارز او المكرونة

ملاحظة من لهلوبة:
لو مفيش كريمة ندوب 3 ملاعق دقيق فى كوب ماء ونزود كمان كوب لبن

Tags: , , , ,