Jul 17 2010

رقاصة ,,,, و ..... بتكتب

صباح الفل العصر

واحنا في عصر متفوق على كل العصور

الغابرة .. والاتية كمان

طبعا هتسألوني

ايه اللى جابني عندكم الصبح ؟؟

وانا اللى متعودة معاكم ع الليل واخره يا ولداه

هريحكم بسرعة دووووووون مقدمات طويلة

ولا كلام موزون ومتنقي

اللى جابني خبر .. ماحرقش دمي ولا حاجة

ولا علا ضغطي .. ولا فقع مرارتي

بالعكس ده خبر خلاني اخد قرار مصيري هام

كنت مأجلاه من سنين

والخبر كان فحواه .. لا حول ولا قوة الا بالله يعني

ان تمووووووورة بيكتب في جريدة الاهرام

ايوووووووون تمورة اللى نفسه  أأأأأأأأأأأأأ

ايوةةةةةةةةةةة تمورة اللى تليفونه بيرن ده

اللى هو كان مسجون ده من كام سنة

دلوقتي الحمد لله الحمد لله

جريدة الاهرام بتنشرله مقالات بينصح فيها الناس

وبيدلي فيها بآراءه وبينصح الناس

طبعا من منطلق ان الاهرام شايفاه قدوة حسنه

مسموح له بقى ينصب الخبر ويرفع المبتدأ

وتووووووووولع بقى حروف الجر

مدام حاله ماشي والاشية معدن

وكمان كل حروف العطف متعاطفة معاه

عاوزين احنا ايه بقى كناس بتكتب ومش لاقية فرصة حتى فى جريدة ام بمبة ؟؟

او مجلة سنية العمشا

اي اعتراض مننا معناه اننا كتاب منفسنين ومش عاوزين الخير لحد

مدام مش طايلينه

سيبوووووووووو تمورة يكتب يا جماعة

اهو يخلص ع البقية الباقية من احلام ناس بتكتب بجد

اما بقى عن قراري

مع الوضع فى الاعتبار انى كنت مأجلاه من سنين وسنين

فهو اني اشتغل رقاصةةةةةةةةةة

فعلا ده قرار حكيم كنت بفكر فيه دايما في ظل غلاء المعيشة والذي منه يعني

بس دايما كان عندي توقع ان جوزي مش هيوافق

لكن دلوقتي انا متاكده انه لو عرف خبر تمورة ده دمه هيتحرق وهيعلا ضغطه

لدرجة انه مش هيبقى عنده المقدرة ع الموافقة او الرفض

وهشتغلللللللل رقاصة

رقاصة ... وبتكتببببببببببب

وتبقى تقابلني الاهرام بقى لو قبلت انى  انشر اعمالي عندهم

ولن ارضى بأقل من التايم او نيوز ويك وممكن افكر في ليبراسيون

واديلواااااااااااا يا بيرووووووووووووو


Tags:

Jul 8 2010

شعب ممل

Category: تهييساتbiro @ 21:15

احنا شعب ممل

كل يوم بكتشف الحقيقة المرة

اللى نفسي مصدقهاش

بس للاسف لازم ولا بد وحتما اصدقها

وابصم عليها بالعشرة

وعلشان كلكم تعرفوا احنا اد ايه شعب ممل

شوفوا معايا

فى المناسبات الدينية مثلا

بنسمع اغاني ايه ؟؟

طلع البدر علينا .. مدد يا رسول الله .. محمد نبينا

بنتفرج على فيلم الشيماء

الناصر صلاح الدين

الرسالة ... الخ

مع ان الاغاني والافلام دي فعلا جميلة

بس اشمعنا فى التوقيت ده بالذات

مافيش الا سبب واحد

الا وهو .. اننا شعب ممل

قيسوا بقى على ذلك المناسبات القومية

والاعياد الرسمية .. حتى الاعياد اللى بدعها الانسان

برضه ملل

وهنروح بعيد ليه ؟؟

وفي مثل حي قدامنا واضح وصريح يدل على اننا شعب ممل

الا وهو يوم الخميس ... وهو طبعا بيختلف ملله حسب الفئة العمرية

الاطفال .. بيسهروا يتفرجوا على التلفزيون ويلعبوا بلاي ستيشن .. الخ الخ الخ

البنات والشباب .. بينطلقوا في الشوارع يرازوا في خلق الله وخلق الله يرازوا فيهم

المتزوجون بقى من السيدات والرجال بيعتبروا الخميس ده يوم مقدس

له طقوس مقدسة

لو واحد راح يقول لصاحبه تعالا نخرج هيقوله يا عم روووووووووح

ده النهارده الخمييييييييييييييييييييس

اكن ايام الاسبوع الباقيه خلصت

ده كله معناه ايه بالله عليكم

غير اننا شعب مملللللللللللللللللللللللللل

طبعا بعد شوية هلاقي ناس بتقول عليا واحدة مش متربية

او بعنى اصح ابيحة

وده ليه برضه ؟؟

لنفس السبب .. وهو اننا شعب ممل

ومتعودناش ان الصنف الحريمي يقول رأيه ولا يفتح بقه باي اعتراض

اسيبكم بقى انا تكملوا مللكم

واكمل مللي

سلاااااااااااااااااااااااااااااام


Tags:

Jul 3 2010

تهيسة اخر الليل

Category: تهييساتbiro @ 01:21

القاهرة

الساعة الثالثة والربع صباحا

طيب هقول ايه دلوقتي  ؟؟ معنديش حاجة محددة ممكن اقولها

غير شوية تأملات يمكن مالهاش معنى.. ويمكن اتقالت قبل كده مليون مرة

اول سؤال بساله لنفسي انا مين ؟ وليه ؟ ولامتى ؟؟

ساعات بحس اني كائن معقد تماما .. لغز صعب عليا تفسيره

وساعات احس انى كائن بسيط جدا .. يتكون من خلية واحدة

طيب ده انا مين

ليه بقى تبقى اجابتها ايه ؟ علشان ربنا خلقني

دي اجابة منطقيه جدا وتتفق مع ايماني

طيب خلقني ليه

لاعمار الارض .. تمام

طيب هل انا بقوم بوظيفتي دي ؟؟

بعمر الارض ولا بخربها ؟؟ احكم على نفسي ازاي ؟؟

ماهو اكيد بحكم الطبع الانساني اني اكون شايفة نفسي اعظم الكائنات

وافعاله اعظم الافعال .. بفتح عكا كل يوم ميت مرة

اعرف منين بقى انا لييييييه ؟؟

لامتى دي بقى اوقات ابقى متاكده من اجابتها

اكيد لحد ما يخلص دوري .. ووقتي

مش مشكلة لامتى تحديدا .. لا

اكتشفت دلوقتي ان فكرتي تنحصر بعد لامتى

هيفتكروني الناس ولا هينسوني ؟؟

لو نسيوني يبقى ليه نسيوني

ولو افتكروني هيقولوا عني ايه ؟؟

وهيفتكروني بأيه

علشان كده انا لازم فعلا اعمل عمل عظيم

وادخل انام

تصبحوا على خير

 

 

Tags: , ,