Jul 20 2010

حدوتة من رومانيا

 

حدوتة من رومانيا

 

أحمد الصيرفى

إهداء

لكل حاكم مستبد ظن أنه خالد فيها .. يصور له غروره أن لن يقدر عليه أحد .. وأنه لايعرف أن أكبر الحرائق من مستصغر الشرر ..  وإذا ما قام الشعب بقيامته لا يبقى نظامه ولايذر .. كانت هذه الحكاية.

*  *  *  *  *

 

عندما رزق "أندروتا تشاوشيسكو" (Andruta Ceausescu) الفلاح الرومانى الفقير بمولود ذكر أسماه "نيقولاى" (Nicolae)، ولم يدر بباله أن ابنه سوف يتقلد أعلى المناصب فى الدولة يوماً ما ويسجله التاريخ كواحد من طغاة القرن العشرين. فقد ولد "نيقولاى تشاوشيسكو" فى عام 1918 وعاش طفولة بائسة عانى خلالها من الفقر والحاجة بقرية "سكورنيتشيستي" (Scornicesti) بولاية "أولتينية" (Oltinia) جنوبى رومانيا. لم يستطع والده الإنفاق على تعليمه مما جعل "نيقولاى" يتجه فى هذه السن الصغيرة إلى قراءة مؤلفات "كارل ماركس" و"إنجلز" و"لنين" وهو ما شكّل توجهاته اليسارية، واستقر إيمانه بالأفكار الإشتراكية.

 وعندما أتم "نيقولاى" عامه الحادي عشر سافر إلى العاصمة "بوخارست" (Bucharest) وعمل مع أحد صانعي الأحذية، وبعد مرور ثلاث سنوات إنتسب إلى حزب العمال الرومانى، وفى العام الذى تلاه (1933) أختير لتمثيل شبيبة بوخارست فى مؤتمر لمناهضة الفاشية. قبض عليه وسجن بعد ذلك عدة مرات بتهمة التحريض وتوزيع منشورات ضد النظام، وتعرف فى السجن على "جورجى ديج" (Gheorghi-Dej) – الذى أصبح فيما بعد السكرتير الأول لحزب العمال الروماني ثم رئيساً للبلاد. وفى عام (1939) إلتقى "تشاوشيسكو" بفتاة – تصغره بعام – أعجب بإيمانها بالأفكار الإشتراكية تدعى "إيلينا بيترسكو" (Elena Petrescu) والتى تزوجها ورافقته حتى نهاية حياتهما.

وبعد وفاة "جورجى ديج" فى عام 1965 إثر أزمة قلبية، خلفه "تشاوشيسكو" أميناً عاماً لحزب العمال الروماني، والذى تغير اسمه بعد أربعة شهور إلى الحزب الشيوعى الرومانى، وبعد شهر – أى فى 21 أغسطس 1965 – وبمقترح من "تشاوشيسكو" تغير اسم الدولة إلى "جمهورية رومانيا الإشتراكية".

ثم انتخب "تشاوشيسكو" رئيساً للبلاد فى عام 1974 واستمر حتى أواخر عام 1989، شهدت خلالها البلاد استخدامه لسياسة عسكرية أمنية تحكم بالحديد والنار وتقمع جميع أشكال الحريات، ووصل به غروره وكبره أن أطلق على نفسه ألقاباً منها "دانوب الفكر" و "المنار المضئ للإنسانية". وفى الوقت الذى كان فيه "تشاوشيسكو" وزوجته وجوقته ينعمون فى خير البلاد لدرجة أنه كان يملك وحده خمسة قصور فارهة أحدها يحوى على ألف حجرة وتبلغ مساحته 45 كم مربعاً وبإرتفاع 100 متر وتكلف بنائه مليارات الدولارات،وكذلك امتلاكه 39 فيلا، كما كان يملك 9 طائرات مجهزة كالقصور الفارهة و 3 قطارات أيضاً غاية فى الرفاهية، كان الشعب الروماني يعاني من الفقر والجوع.

وقبيل استقبال العالم لحقبة التسعينات حينما كان نظام "تشاوشيسكو" الديكتاتورى فى إوج غروره وصلفه، وتحديداً فى السابع عشر من شهر ديسمبر من العام 1989 شهدت مدينة "تيميشوارا" (Timisoara)، غربى رومانيا، صداماً بين رومانيين من أصل مجرى متضامنين مع قضية القس " لازلو توكيس" ذو الأصول المجرية، بعد إعلان الحكومة النية بطرده خارج البلاد، ومالبث أن انضم الطلبة إلى مظاهرة مؤيدة للقس وحقوق ذوي الأصول المجرية، ولكن سرعان ماتحولت إلى تظاهرة ضد النظام الحاكم نفسه، وهو ما أدى إلى تصدى قوات الشرطة والجيش ومن ورائهما "جهاز أمن الدولة" وقمع التظاهرة بعد إطلاق النار على المتظاهرين واعتقال الكثيرين.

بعدها بثلاثة أيام ألقى "تشاوشيسكو" خطاباً تليفزيونياً مؤيداً للإجراءات الأمنية التعسفية ورافضاً لأية إنتقادات متوعداً بالمزيد فى حالة استمرار المظاهرات.

وفى اليوم الرابع أقام نظام "نشاوشيسكو" مسرحية هزلية بتظاهرة حب وتأييد لأنصار النظام وتصويرهم وكأنهم يمثلون غالبية الشعب الروماني ويقوم ببثها الإعلام الحكومى، إلا أنه هتف بعض مما كانوا فى هذه التظاهرة أمام "تشاوشيسكو" مرددين "يسقط الطاغية" ومقاطعين لخطابه بالتصفير أثناء ماكان يلقيه أمام الجمهور فى ميدان الجامعة – الذى سمى بميدان الثورة بعد سقوط نظامه – وماهى إلا لحظات وانتشرت الهتافات ضده كالنار فى الهشيم مما اضطر "تشاوشيسكو" لعدم اكمال خطابه والاحتماء داخل المبنى، وترك لعناصر الشرطة والجيش قمع المتظاهرين بلا هوادة حتى تم إخمادها بحلول منتصف الليل.

ولكن بحلول صباح اليوم التالى أفاقت رومانيا والعالم على انتشار التمرد الشعبى فى سائر المدن الرومانية، وتولى فى ذلك اليوم "تشاوشيسكو" رئاسة اللجنة السياسية التنفيذية وقائداً للجيش بعد وفاة وزير دفاعه فى ظروف غامضة، وحاول أن يوجه خطاباً للجماهير المتجمعة أمام مبنى اللجنة المركزية، إلا أنهم ثاروا عليه ولم تستطع عناصر الأمن هذه المرة حماية المبنى، وتم اقتحامه من قبل المحتجين وكادوا يمسكون بـ"تشاوشيسكو" إلا أنه استطاع الفرار مع زوجته على متن طائرة هليكوبتر.

أمر "تشاوشيسكو" قائد الطائرة بالتوجه إلى قصره فى "سناجوف" شمالى "بوخارست"، ولكنه شعر بأن الخطر لازال قائماً، فاستقل الطائرة مرة أخرى ليتوجه إلى "تارجوفيستي"،  منطقة أكثر بعدا وأمنا، وبينما تكاد تقترب الطائرة فإذا بقائد الطائرة يتلقى أمراً من القوات المسلحة الرومانية بالهبوط فوراً بناءاً على قرار بحظر الطيران فى المجال الجوى الروماني، وبعد أن هبطت الطائرة بمنطقة ريفية استطاع من كان فى الطائرة من معاونى "تشاوشيسكو" في سرقة سيارة متوقفة على جانب الطريق للانتقال بها إلى أحد مخابئه ولكنهم ضلوا الطريق إلى أن عثر عليهم بعض الفلاحين فقاموا بتسليمهم إلى السلطات.

وفى اليوم الخامس والعشرين من ديسمبر وبينما يستعد العالم الغربي بالاحتفال بعيد "الكريسماس" إقتيد "تشاوشيسكو" وزوجته إلى محاكمة عسكرية عاجلة وجهت لهم عدة تهم منها الإثراء غير المشروع والتورط فى عمليات إبادة جماعية تجاه شعبه. تعامل "تشاوشيسكو" بكل صلف وجنون العظمة ودفعه إلى سب هيئة المحكمة. لم يستطع "تشاوشيسكو" تحمل فكرة أنه قد انتهى وقد سقط هو ونظامه سقوطاً دراماتيكياً مروعاً فى أيام قليلة قبلها كانت تسجد له كل رومانيا، بل هو كابوس مفزع كتلك التى كانت تقض مضجعه صغيراً فى قريته "سكورنيتشيستي" حيث حياة الشظف مع أب سكير طالما كرهه "تشاوشيسكو". فما كان من القضاة إلا أن حكموا على "تشاوشيسكو" وزوجته "إلينا" بالإعدام رمياً بالرصاص وتنفيذ الحكم، وبمجرد أن جاء الجنود لتقييد "تشاوشيسكو" وزوجته أدرك أنها النهاية ولامناص من الإعدام فأخذ يجهش بالبكاء مستعطفاً جلاديه فى الوقت الذى صفعت فيه زوجته الجندى المنوط بتقييدها مع سيل من الشتائم. واقتيدا الزوجان فى حراسة الشرطة العسكرية خارج مبنى المحاكمة وفى انتظارهما فرقة إعدام مكونة من ثلاثة أفراد تم اختيارهم من ضمن كثيرين من أفراد الجيش تقدموا للاشتراك فى إعدام "تشاوشيسكو" و"إلينا". وما إن أدارا الزوجان وجهاهما إلى حائط المبنى حتى عاجلت الفرقة بإطلاق الرصاص عليهما.

ثم قامت السلطات الرومانية بعد ذلك بدفن جثمانى "تشاوشيسكو"و "إلينا" فى قبرين متواضعين دون وجود أية إشارة إليهما بمدافن "جيبنتشيا" بالعاصمة "بوخاريست".

 

*  *  *  *  *

قبل أربعة أيام من إعدامه صرح "تشاوشيسكو" فى إجابته عن سؤال لأحد الصحفيين عما إذا كان يخشى من أن الأحدث فى "تيميشوارا " قد تتصاعد وتتطور إلى الأسوأ، فأجاب قائلا: " عندما تتحول أشجار البلوط إلى تين عندها قد تتغير الأوضاع في رومانيا"، فسأله الصحفى مستطردا: " ولكن العاصفة في أوروبا الشرقية عرت كل الأشجار فهل يمكن أن يصيب رومانيا ما أصاب من حولها"، فأجابه بكل صلف وغرور تعلو شفتيه ابتسامة المستهزئ: " هذا صحيح وقد تغيرت الأوضاع في كثير من دول أوروبا الشرقية ولكن رومانيا شيء آخر لا تعرفونه أنتم نحن نعلمه".

*  *  *  *  *

 

Tags:

Jul 17 2010

رقاصة ,,,, و ..... بتكتب

صباح الفل العصر

واحنا في عصر متفوق على كل العصور

الغابرة .. والاتية كمان

طبعا هتسألوني

ايه اللى جابني عندكم الصبح ؟؟

وانا اللى متعودة معاكم ع الليل واخره يا ولداه

هريحكم بسرعة دووووووون مقدمات طويلة

ولا كلام موزون ومتنقي

اللى جابني خبر .. ماحرقش دمي ولا حاجة

ولا علا ضغطي .. ولا فقع مرارتي

بالعكس ده خبر خلاني اخد قرار مصيري هام

كنت مأجلاه من سنين

والخبر كان فحواه .. لا حول ولا قوة الا بالله يعني

ان تمووووووورة بيكتب في جريدة الاهرام

ايوووووووون تمورة اللى نفسه  أأأأأأأأأأأأأ

ايوةةةةةةةةةةة تمورة اللى تليفونه بيرن ده

اللى هو كان مسجون ده من كام سنة

دلوقتي الحمد لله الحمد لله

جريدة الاهرام بتنشرله مقالات بينصح فيها الناس

وبيدلي فيها بآراءه وبينصح الناس

طبعا من منطلق ان الاهرام شايفاه قدوة حسنه

مسموح له بقى ينصب الخبر ويرفع المبتدأ

وتووووووووولع بقى حروف الجر

مدام حاله ماشي والاشية معدن

وكمان كل حروف العطف متعاطفة معاه

عاوزين احنا ايه بقى كناس بتكتب ومش لاقية فرصة حتى فى جريدة ام بمبة ؟؟

او مجلة سنية العمشا

اي اعتراض مننا معناه اننا كتاب منفسنين ومش عاوزين الخير لحد

مدام مش طايلينه

سيبوووووووووو تمورة يكتب يا جماعة

اهو يخلص ع البقية الباقية من احلام ناس بتكتب بجد

اما بقى عن قراري

مع الوضع فى الاعتبار انى كنت مأجلاه من سنين وسنين

فهو اني اشتغل رقاصةةةةةةةةةة

فعلا ده قرار حكيم كنت بفكر فيه دايما في ظل غلاء المعيشة والذي منه يعني

بس دايما كان عندي توقع ان جوزي مش هيوافق

لكن دلوقتي انا متاكده انه لو عرف خبر تمورة ده دمه هيتحرق وهيعلا ضغطه

لدرجة انه مش هيبقى عنده المقدرة ع الموافقة او الرفض

وهشتغلللللللل رقاصة

رقاصة ... وبتكتببببببببببب

وتبقى تقابلني الاهرام بقى لو قبلت انى  انشر اعمالي عندهم

ولن ارضى بأقل من التايم او نيوز ويك وممكن افكر في ليبراسيون

واديلواااااااااااا يا بيرووووووووووووو


Tags:

Jul 15 2010

الف نيلة ونيلة - الحلقة الثالثة

 احمد العجمي 


___________

الحلقة الثالثة : لأجلك أنت
____________

بلغني ايها الملك الرشيد
ذو العمر المديد
انه في عصرالفساد
و العمولات
وسيطرة العصابات
تفشت الحوادث
والكوارث
وتعددت في القطارات
لبيعها لا صحاب المليارات

- ياخبر اسود يا فندم القطرين لبسوا في بعض يا نهار اسود يا نهار اسود
- صح يا نهار اسود هانتصرف ازاي ..االناس بتموت ومش عارفين نوصل لتوجيهات الملك ربنا يطول لنا في عمره
- طب مانتصرف يافندم ونقول بناءا علي توجيهات وتكليفات وتعليمات سيادته وسعادته و حكمته اللي بتنزل علينا في الوقت المناسب دايما بس ننقذ النااس دي اللي بتموت
- لا يافالح ماينفعش لازم نااخد توجيهااات وموافقات من سيادته باننا نقول بناءاا علي توجيهات سيادته برضه اتهطل ده ولا ايه؟! ولا اتجنن ؟! عاايزنا نتصرف من دماغنا ..هي دمااغنا ايه جنب دماغ سياادته ولا حماااقاتنا اللي بتسميها قراراتنا دي هاتتقاارن ازاي بحكمته!!!دي كفاية طلته علينا طب تعرف تقول " الاخوة والاخوات" زي مابيقولها كدة؟؟
والنبي تتلهي وتقعد لنا علي جنب وتستغفر ربنا
- استغفر الله العظيم عندك حق انا اتجرأت وقولت كدة ازاي؟طب سيادتك كلم مكتب الوزير تاني يمكن يرد علي سعادتك المرة دي

- الو .. ايوة يا فندم انااا رئيس مصلحة السكة الحديد يا فندم
الوزير – نعم فيه اايه؟؟ مش انت لسه متصل بيا العصر؟؟
اايوة يا فندم بس فيه قطرين لبسوا في بعض تاني يا فندم
- ياا نهار اسود يا نهار اسود هاتصرف اازاي انا ماعنديش توجيهات ولا تكليفات ولا تعليماات...القطر ده ايه؟توربيني ولا اسباني؟
- لا يافندم ده مش من القطارات النضيفة اللي بتطلع في اعلاانات المصري االلي علي حق لزوم الشياكة دول قطرين في االعيااط
- عيااااااط؟؟؟؟؟؟ طراااااااااخ

يتملك الوزير حالة من الغضب ويتمتم بكلمات غير مفهومة ثم يلتفت للسكرتير االخاص المرتعده فرائصه المصدرة صوتا عالياا ازعج الوزير بشدة
- شوف يا حسن موضوع العياط ده ايه وظبطته بمعرفتك وبطريقتك اناا مش ناقص وَش ولا صداع واتحرك قبل المعارضه ماتلقط الموضوع
يبتسم حسن مشاوير ..لثقة الوزير ..وينطلق مسرعا لاعداد التقارير

هاتف الوزير يبدا في رنين مزعج

-اكيد ده االزفت رئيس مصلحة االسكة الصفيح ...
ايوة يا حيوا.....احم اي اي ايوة يا فففنددم ... لا يافندم انا كنت بكلم حسن السكرتير الخاص لا يافندم
تحت امر سيادتك
ايوة يا فندم بعته يتصرف ويظبط التقرير زي الحااادثة اللي فاتت ...
يا نهار اسود يا نهار اسود وصلت للمعارضة والفضائيات ووكالات الانباء العالمية؟؟ هي الناس دي ايه فااضية؟
حاضر يا فندم في انتظار تكليفات وتوجيهات وتعليمات سياادتك لا يا فندم هانسكت خالص ومش هانطلع اي تقارير ولا بيانات ...ماتقلقش يا فندم احنا تلامذتك... حاحاحااحاضر يا فن فن فندم في رعاية الله

وبعد ان يخرج نفسه المكتوم من اول المكالمة ويهندم رابطة عنقه ويمسح عرقه الذي وصل الي جواربه

- حسن يا حيوان تعالي لي فورا
- ايوة يا فن فن فندم اؤاؤمرني
- اانا مش قاايلك انجز وخلص التقرير الزفت؟ هاتخربو بيوتنا وهااتسجنونا اشتغلوا صح مرة بقي
- حصل ايه يا فندم
- فيه ااوامر عليا جت لنا اننا نسكت ومانطلعش ااي بيانات ونستني الاوامر
- تحت امرك يا فندم هاقطع التقرير وهاستني ااوامر سيادتك
- وابعت لي حد ينشف الكرسي بتاعي ويجيب لي واحد غيره لحد مااينشف وانشف
-
وفي تلك الاثناء في الحزب الملكي الدمويقراطي
احمد كفيف رئيس مجلس المنفذين يستأذن الامير خابور ليتحدث اليه في أمر هام
وغاب الاثناان في حديث وهمهمة وهمس وبصحبتهم نفر من الجن ... عفوا مولاي.. نفر من المسئولين

وفي القاعه كان يجلس شااب وسيم صغير السن من شباب المستقبل التخيلي يتابع باهتمام وتركيز في محااولة لفهم مايدور بين المسئولين والامير المغرور

الامير خابور : نعم يا
Your mother's soul
؟
عياط؟ عياط ايه دي كماان؟؟ وفين دي اصلا ؟؟؟ بقي مطلعني من المؤتمر وحرمتني من لحظات التصوير والوقوف اادام الكاميرات عشان شوية نااس اكيد ماالهااش ااي لازمة وعاله علي مجتمعنا وعايزين نتخلص منهم عشاان يفضل لنا الناس الراقية الرايقة النضيفه ومااحدش يقرفنا بقي لا برغيف عيش فيه حديد عز ولا بزيادة اجور ولا بمواصلات وقرف وكلام لا بيودي ولا بيجيب

كفيف بهمس : يا فندم الموضوع وصل للمعارضة والفضائيات و وكالات الانباء العالمية
الامير : يا ولاد ال ...... احم .. لطااف ااوي ههه طيب تقترحوا نقول ايه الاسباب اللي اادت للحادثةة؟

مفيش شباب : نقول ماس كهرباائي في احد اعمدة الانارة
الامير : اتلهي هو فيه انارة اصلا بيقولك العياط

بطرس غالي جدا : سواق القطر كان بيفكر في انه ماقدمش ااقرار الضريبة العقارية واتفاجيء بمعزة فحاول يفاديها

الامير : ده قطر مش عربية ياا متخلف وبعدين معزة ايه اللي هاايفديها واقرار ايه انت هاتقلب عليناا االدنيا؟؟ غبي

ذكر يا عزمي : اممم نقول ...كان...السواق...مختل ....عقليا...وخطف....االقطر...واصر يكمل ...رغم تحذيرات االسنافورات

الامير : اممممم معقوله دي

فجاة يدخل للقاعه شااب صغير
يركض باتجاه االامير
ويسلمه ورقة خاصة وكأن بها خبر خطير

- امممممم الامن بيقول ان السبب جاموسة عدت شريط القطر
- مفيش شبااب : اناا قولت معزة .. جاموسة معزة مافرقتش كتير يعني

- اخرس انت .... والفلاح صاحبها كان مختل عقلياا زي ماقولت ياا عزمي

ذكر يا عزمي : بكدة يا فندم اتظبطت اهي ونقدر نقول ان الجاموسة كمان كانت عندها جنون بقر وانا رأيي نشيل الوزير بالمرة عشان الناس تحس اننا جامدين برضه وما بنتهاونش في الغلط واحنا داخلين علي انتخاباات سيادتك رغم انها مش هااتفرق بس منظر برضه

الامير بعد ضحكة كارتونية : طيب موافق .. يالا بقي عشان الكاميرات وحشتني

وماا ان انتهي الامير من كلماته وقفشاته ثقيلة الظل اللطيفة علي من حوله حتي قطعت ضحكته العالية المصطنعه ولهفته لاحتضان الكاميرات
الشاب الذي كان يتابع حديثهم باهتمام
والذي هب بشكل مفاجي بعد اطلااق الامير ضحكته وذهب باتجااه اللوحة الكبيرة البيضاء التي يتوسطها الشعار الجديد للحزب

"لأَجْـــلـــِـــكَ أنت"

وهو يري امام عينيه اخيه الشهيد الذي قتل برصاص الصهاينة علي االحدود ولم يؤخذ حقه
وشقيقته الكبري التي توفت في مستشفي حكومي بعد تضامن السرطان والاهمال ضدها
واستاذه باالجامعه وقدوته واالذي مات محروقا في قصر ثقافة بني سويف
وابن عمه الذي غريقاا واسرته بالكامل في عبارة السلام
وخاله المصاب الان بالتيفود بعد ان شرب مياه ملوثة بالمجاري
ووالدته التي نقل اليها كيس دم ملوث من اكياس هيدلينا
جاره وصديقه المسجون حاليا بتهمة اللعب في "جزرة" قطار كفر الدوار لانه كان يحمل ارانب
و ااحتراق 4 من زملائه بالجاامعه في قطار الصعيد

وظل يتذكر ويتذكر وهو يتحسس الطريق للوحة
وما ان وصل اليها – اللوحة – التي يكاد يراها من بين دموعه وبدا في كتابه شيء بعد ان محي الشعار
وتملك الصمت جنبات القاعه بعد ان وضع قلمه و خرج بخطي ثقيله للخارج ليظهر الشعار كما هو ولكن بشكل أكثر مصداقية وواقعيه

" لأَجــــَـــلــــــــِــــــــك َ أنـــــت"




يتبع لو هافضل برة

 

Tags:

Jul 12 2010

الف نيلة ونيلة - الحلقة الثانية


الف نيلة ونيلة (الحلقة التانية)

بلغني ايها االملك الوقور العادل المشهور
ان الملك خازوق امر بالاستعداد
لاقامة المختبر السنوي للحزن الوطني كالمعتاد
ودعا اليه القيادات
واباطرة الفساد
الامير خابور
ولي العهد المغرور
وزفلت الرغيف رئيس مجلس االشومة
ومجدي مسرور رئيس القعده الشعبيه
واحمد كفيف رئيس مجلس المنفذين
و لفيف من المنفذين علي رأسهم
السيد مفيش شباب
والسيد نطاط ابو الحيط
والسيد بطرس غالي جدا

وبعد سلامات وتتعظيمات وتبجيلات وقبلات
توجه االامير خابور
في زهو وغرور
ليلقي كلمتته للجمهور


احم
اهلا بيكم
اممممم
لا تصقيفكم مش عاجبني
مش عاجبني
صقفوا تاني

اممم لا كماان مرة

طيب معقول كدةة

طبعا في ظل شعارنا الجديد وكله النهاردة جديد نيو لوك يعني
شعارنا الجديد "الفكر العقيم والعبور علي المستقبل"

طبعا في ظل التدهورات الاقتصادية العالمية
شوفنا اننا لازم نواكب التدهور ده
ولازم لو ماقدرناش نكون اكثر تدهورا نكون علي الاقل متدهورين زي الناس دي

- وفجاة يحدث مقاطعه من احد الحاضرين ويقول ععلي مراي ومسمع الملايين بعد اذنك يا ريس عندي اعتراض
- يتجاهله الامير بثبات ويكمل سرد الكلمات

لان اكيد الغرب بيفهم اكتر منناا واكيد همة متدهورين كدة لحكمة انا مانفهمهاش ولا عقلنا يجيبها
النااس الجاهلو بتقول اننا صدرنا الغاز لاسرائيل برخص التراب والحقيقة اللي الناس ماتعرفهاش انناا ماصدرناش الغغاز وبس ااحنا صدرنا الطارشة كمان للناس وللمعارضه
والي بيتكلم عن السعر ييجي يشوف التدهور اللي حاصل ويعرف كويس اننا بناخد حقنا تالت ومتلت احنا بنديهم الغاز وهمة بيدونا الامان واالاستمرار في اماكنا
واكيد احنا بكدة بنواكب التدهور العالمي وبنتماشي معه وبنمشي امورنا برضه
وطبعا اكيد الناس شافت الفرق الرهيب المتباين اللي طرا علي جميع المستويات والطبقات وتزايد الوعي واللاوعي في الشعور الحلزوني بين الطبقات وبعضها البعض و المنبثق من اعماق التحديات والصعوبات في ظل التعاون الدولي المتتالي والمتوازن في الاتجاهات المتقاطعه والانعكاسات المفتوحة في القوانين الدوليةة وااللادولية والمنافسات اللاشرعيةة والشرعية ايضا في مسابقات المسافاات الطويلة المنتظمة في الدورات الدموية المنخفضة والمعروفة بالقطع والقص لحضراتكم واكيد انتوا فاهمين طبعاا ولا ايه؟؟
طيب

اعتقد مااعنديش كلام تاني اقوله او بمعين ادق مافيش عند اللي جهز لي الكلام كلام تاني
وياريت اسمع تصقيفكم

وبعد ان ابدي االجميع الاهتماام
وبعد ان وضع كل عضو اللجام
سكت الكلام
وجاء الوقت يا مولاي لكي تنام

_____________________
يتبع لو لسه ماتقبضش عليا

Tags: , ,

Jul 10 2010

الف نيلة ونيلة - الحلقة الاولي

الف نيلة و نيلة حلقات كوميدية ساخرة لكل المصريين - احمد العجمي

 

الحلقة الاولي

 

بلغني ايها الملك الرشيد
ذو العمر المديد
انه في سالف العصر اللي فات
كان للفساد حكايات
ومملكة لها تاريخ
ذهبت في مهب الريح
بعد الفساد الصريح

مملكة مصروق....
وملكها خازوق...
.الذي جاء بعد رؤساء عظام ....
بعد ثورة ظباط صغار..
.علي ملكٍ يسمي فاروق

---

ترررررررررن
- الو ..انا الملك خازوق الاول مين معايا؟
- انا مجدي سرور السياف يا فندم
-عايز ايه يا سرور انت صحتني من احلاها نومة
يرتعد سرور ويتلعثم قبل ان يقول
- ااانا..انا انا اسف جلالتك...يقطعني
-خلاص خلاص خلصنا عايز ايه
بعد اذن وعطف وتكرم وتلطف سعادتك وعظمتك عايزين فرمان بخصوص القانون اللي بناقشه من 28 سنة ده وهايتناقش بكرة سعادتك

- قانون ايه تاني الله يحرقك
-قانون المطارق سعادتك
-ايه؟ايه يا سرور انت عجزت ولا ايه امال ان ماكنتش سياف من 19 سنة ولحد دلوقت وان ماكنتش مسئول التقليم في المملكه لمدة 4سنين وقضيت علي براعم كتير بتقليمك

- معلش سعادتك احنا مهما كبرنا ومهما اتعلمنا مش هاتيجي ربع حكمتك احنا لنا بركة الا سيادتك

يبتسم الملك خازوق بعد احساس بالغ بالفخر قبل ان يقول

- هانعلم فيكوا لامتي بس اه
بما انك سياف لازم يكون كلامك بكرة حاسم وحاد
ابتر أي صوت للمعارضة
واقطع رقبة اي واحد ينطق
واطعن لو صوت المعارضة كسب
وبارز كل واحد يحاول ..فاهم يحاول بس يلمح لالغاء قانون المطارق هو احنا من غيره نقدر نستني في مكانا اتعلموها بقي هاتودونا في داهية يخربيت قنوات الاغاني اللي اكلت نافوخكوا

وبعد ان غرق سرور في عرقه هب واقفا- في التليفون - مصفقا مذهولا قائلا

- الله الله الله ياسلام علي حكمة فخامتك يا سلام
ماشي سعادتك بس ليا سؤال برة الموضوع

بعد متاوبة 235 ثانية
- قول وخلصني
- ليه جلالتك سميته قانون المطارق؟؟
-جمع مطرقة يا فالح....طررررراخ

---
مشهد 2

مجدي سرور السياف يرأس الدورة الاسثنائية للقعدة الشعبية
- بسم الله الرحمن الرحيم
بناءا علي توجيهات جلالة الملك هه؟جلالة الملك شخصيا فاهمين؟؟
تم صدور فرمان من جلالته بتمديد العمل بقانون المطارق
والموافق يتفضل برفع يده
والغير موافق يتفضل برة

..... موافقة

ثم يرفع رأسه لينظر للاعضاء قبل ان يقول بابتسامة صفراء
خلاص خلاص التليفزيون صور نزلوا ايديكوا

تصفيق حار

يتبع

Tags: , ,