Jul 11 2015

من زمان

Category: biro2 @ 07:10
زمان ،، مش من زمان اوي يعني ، من حوالي ٥ سنين ،، كنت اخلص كل اعمالي المنزليه ،، والفيسبوكيه ،، وادخل هنا اكتب اي كلام ،، مش اي كلام يعني كلام هفأ ،، لأ ،، اي كلام يعني الكلام اللي كان يجي في بالي ساعتها ،، ،، من غير ما اتقيد بقواعد اللغه الفصحى ،، او حتى يشغل بالي ان في ناس هتقرا الكلام ده ،، كنت بكتب وانا حاسه ان القيود عليا مرفوعه ،، مع ان عمر ما حد حط عليا قيود ،، لكن اظن ان نفسي كانت هي اللي بتقيدني ،، يجوز تحت تأثير التربيه او التقاليد او الاعراف ،، ماقدرش احدد تحديدا احساس القيد كان جاي منين يجوز لاني مشهورةةة جدا وليا جمهوري ( سامحنييييي يارب ) او يجوز لاني حدوة ( او في مقوله اخرى قدوة ) لأولادي وماحبش انهم يكتشفوا ان عندهم ام مجنونه او عندها جزئين تلاته من فصوص المخ مفوتين ،، المهم يعني اني كنت بحس ان هنا مكان الهرووووب الكبير ،، وأحس بإحساس انتوني هوبكنز في فيلم صمت الحملان ،، وهو بيسن سنانه علشان ياكل ضحيته ،،، انا بقى كنت انيم مزاغيدي واسن كيبورداتي ،، وادخل بقلب جامد اكتبلكم الأي كلام ،، اللي هو مش أي كلام ،، زي اللي كتبته دلوقتي بالظبط ايه اللي غير ده ؟؟؟ مش عارفه فين كل حاجه كنت بحبها وبعملها ؟؟ ولا اعرف برضه مع العلم اني كل يوم بفتشني ومش بلاقي حاجه فهمتوا حاجه ؟؟؟ لأ ؟؟؟ طيب بذمتكم كنتوا مستنين تفهموا ايه ؟؟ اذا كنت انا نفسي مش فاهمه بس الاكيد الاكيد يعني ،، اني ابتديت اخد اول ستباتي في الرجوع لعاداتي مع اول حرف كتبته هنا في اي كلامي ،، وحشني الكلام ووحشتوني اسيبكم بقى دلوقتي تتعمقوا في كلامي وابقىا قابلوني لو طلعتوا بحاجه واحده مفيده ههههههههههههههههههههههههههه سلااااااااااااااااام

Tags: